HARARE —
Umkhokheli we Zapu uDr Dumiso Dabengwa uthi kayimkhathazi lakancane impumela yokhetho lukamhlaka 31 Ntulikazi ngoba abebandla lakhe behlulekile ukunqoba. Uthi alikalilahli ithemba ibandla lakhe ngoba likholwa ukuthi lizaze lifika elingaliyo usuku lapho lelibandla alikhokhelayo lizazithatha intambo zombuso eZimbabwe.
UDabengwa utshele intathelizindaba ukuba yena labebandla lakhe kabakafiki kusibanga sokufuna ukuthola amandla okubusa noma kanjani.
Uthi lanxa beyamukela impumela yokhetho olusanda kwenziwa kunyanga ephelileyo bekusobala ukuba kukhona obekubasolisa obekuphambana lezidingo zomthetho yokhetho kanye lokwavunyelanwa kusivumelwano sohulumende womanyano.
UDabengwa uthi bangene kulolukhetho ngenjongo yokubona ubuqili obe buvele sebunakanelwe ukuba buzakwenzaklala.
Uthi ukuphatheka kwebandla lakhe kulolukhetho lwamhla ka 31 kubafundise okunengi abekade bengakwazi phezu kobuqili kwezokhetho kuleli.
UDabengwa uthi ibandla lakhe lizaqhubekela phambili likhona lanxa lehlulwa kulolukhetho.uthi abayikwala lokhe begxile kunhlungu zokwehlulwa kulolukhetho.
Uthi ukhetho yisehlakalo esesidlule ngakho kasikho isizatho sokuba lokhe bemunyu ngempumela yokhetho lwamhla ka 31 Ntulikazi ngoba kuyisehlakalo esesidlule lalabo abaphatheka kilo bengabangahlali kokuphela kodwa impilo iqhubekela phambili.
Uthi bebefisa ukulusa emthethwandaba labo loludaba lokhetho njengalokho okwenziwe ngabebandla le MDC elikhokhelwa nguMnumzana Morgan Tsvangirayi ngoba bengavumelani lempumela yalo, kodwa bayiswele imali yokwenza lokho.
UMongameli Robert Mugabe ulunqobile lolukhetho lanxa abamanye amabandla okufana lele Zapu ekhokhelwa nguye uDabengwa bengene kilo bekhonona bethi kaluqhutshwanga ngendlela.
UMugabe uthethe izifungo zakhe wagcotshwa ukuba ngumongameli emkhosini owenzelwe eNational Sports Stadium eHarare ngoLwesine.
UDabengwa utshele intathelizindaba ukuba yena labebandla lakhe kabakafiki kusibanga sokufuna ukuthola amandla okubusa noma kanjani.
Uthi lanxa beyamukela impumela yokhetho olusanda kwenziwa kunyanga ephelileyo bekusobala ukuba kukhona obekubasolisa obekuphambana lezidingo zomthetho yokhetho kanye lokwavunyelanwa kusivumelwano sohulumende womanyano.
UDabengwa uthi bangene kulolukhetho ngenjongo yokubona ubuqili obe buvele sebunakanelwe ukuba buzakwenzaklala.
Uthi ukuphatheka kwebandla lakhe kulolukhetho lwamhla ka 31 kubafundise okunengi abekade bengakwazi phezu kobuqili kwezokhetho kuleli.
UDabengwa uthi ibandla lakhe lizaqhubekela phambili likhona lanxa lehlulwa kulolukhetho.uthi abayikwala lokhe begxile kunhlungu zokwehlulwa kulolukhetho.
Uthi ukhetho yisehlakalo esesidlule ngakho kasikho isizatho sokuba lokhe bemunyu ngempumela yokhetho lwamhla ka 31 Ntulikazi ngoba kuyisehlakalo esesidlule lalabo abaphatheka kilo bengabangahlali kokuphela kodwa impilo iqhubekela phambili.
Uthi bebefisa ukulusa emthethwandaba labo loludaba lokhetho njengalokho okwenziwe ngabebandla le MDC elikhokhelwa nguMnumzana Morgan Tsvangirayi ngoba bengavumelani lempumela yalo, kodwa bayiswele imali yokwenza lokho.
UMongameli Robert Mugabe ulunqobile lolukhetho lanxa abamanye amabandla okufana lele Zapu ekhokhelwa nguye uDabengwa bengene kilo bekhonona bethi kaluqhutshwanga ngendlela.
UMugabe uthethe izifungo zakhe wagcotshwa ukuba ngumongameli emkhosini owenzelwe eNational Sports Stadium eHarare ngoLwesine.