WASHINGTON DC —
Unobhala jikelele wenhlanganiso yabodokotela eye Zimbabwe Medical Association,uDokotela Douglas Gwatidzo uthi abezempilo eZimbabwe sebelungele ukulwisana lomkhuhlane we-Ebola nxa uthe wahlasela ilizwe.
UGwatidzo utshele iStudio Seven ukuthi ugatsha lwezempilo luncedisana lenhlanganiso yomanyano wamazwe womhlaba eye World Health Organization-WHO, bebeqhuba imihlangano yemfundiso phezu kwalu mkhuhlane lengcwethi zokulondolozwa kwempilakahle elizweni emalungiselelweni wokuthi luphathwe njani uhlupho lokuqhamuka kwalumkhuhlane elizweni.
Lumkhuhlane oqhamuke emazweni angentshonalanga kwezwekazi leafrica abalisa i-liberia, guinea, nigeria lamanye kodwa khathesi usuhahabela kwele zimbabwe ngoba usubonakale kwele drc.