amalinks wokungena

Breaking News

Umkhuhlane weEbola Uqhubeka Ubulala abantu eAfrica


Kulabantu abazinkulungwane ezedlula ezimbili asebebulewe ngumkhuhlane ongelaphephekiyo owe Ebola emazweni angentshonalanga kwezekazi leAfrica njalo leli nani likhangelelwe ukuya liqonga ngokuya kwesikhathi.

Emazweni afana labo Nigeria, Guinea, Liberia kanye leSierra Leone lapho okuqhamuke khona lumkhuhlane ingcwethi zezempilo zikhuthaza ukuqakathekisa ukuvimba ukumemetheka lokuthelelanwa kwalu mkhuhlane ikakhulu emazweni angakahlaselwa okwamanje afana labo Zimbabwe.

Lanxa kulezixwayiso lemizamo eminengi yokuvimba ukumemetheka kwalumkhuhlane abantu lokhe beqhubeka besifa ikakhulu kwele Liberia. Emazweni amanengi lapho lumkhuhlane osuhlasele khona imbangela yokumemetheka kwawo ibikwa yikusilela kwemali.

Umqondisi wenhlanganiso yomanyano wamazwe womhlaba kuhlangothi olubona ngezempilakahle olwe World Health Organisation-WHO, uDr Margaret Chan uthi okunye okubanga ngamandla ukufa kwabantu yikusilela njalo kolwazi ngalumkhuhlane. Lokhu uthi yikho osokubangela ukuthi abantu bacine sebebalekela umuntu oyabe elezibonelo zalumkhuhlane ngakhoke uthi kuyadingeka ukuthi ulwazi lufakwe emisakazweni lezindabeni oluphathelane lawo ukuze abantu bawuzwisise njalo balandele indlela zokuzivikela.

Lumkhuhlane ubikwa ulakho ukuqhubeka ubulala abantu okwenyanga ezithoba munwemunye elandelayo. Kubikwa kudingeka izigidi ezedlula amakhulu ayisithupha zamadollar yokusebenzisa ekuphathweni kwalumkhuhlane we Ebola emhlabeni jikelele.

XS
SM
MD
LG