amalinks wokungena

Breaking News

Umkhuhlane weCovid-19 Usugxile Impande eMatabeleland South


FILE - A woman has her temperature checked by a health care worker during a nationwide lockdown to help curb the spread of the coronavirus, at a screening center in Harare, Zimbabwe, April 30, 2020.

Ugatsha olubona ngezempilakahle luthi abantu ababanjwe umkhuhlane weCovid-19 eZimbabwe izolo bangamatshumi phose ayisithupha, 57.

Phakathi kwabantu laba, abangamatshumi amabili lane, 24, ngabesigaba seMatabeleland South.

Umkhuhlane lo ukhanya usugxila impande kulesisabelo ngoba ngoLwesibili siphume sihambe phambili njalo ngabantu abangamatshumi amathathu lambili, 32, ababanjwe iCoronavirus.

KoBulawayo balitshumi lanhlanu abafunyanwe belomkhuhlane lo izolo kuthi abahlanu ngabeMatabeleland North.

Isigaba seMasvingo silabalitshumi kuthi iMashonaland Central, iMashonalad West leMidlands zona zibe lomuntu oyendwa ngendawo.

Abangamatshumi amabili lane babantu laba ngabavele lweleSouth Africa kuthi abangamatshumi amathathu lantathu bathole lumkhuhlane elizweni.

Asebebanjwe iCovid-19 elizweni lonke selokhu yaqhamukayo sebengu-8667 kuthi asebepholile bona bangu-8046.

Abalokhe begula bangamakhulu phose amane, 366. Asebebhubhile bangamakhulu amabili alamatshumi amahlanu lanhlanu.

Emhlabeni jikelele umkhuhlane lo usubulele abantu abangu-1,281,309 njalo wahlasela abangu-51,975,458 ngokutsho kweJohns Hopkins University.

Facebook Forum

XS
SM
MD
LG