MDC: Umlamlankunzi Nguye Ozakwenza Kubelenkulumo Zombusazwe Ezifunwa Nguzulu

Ibandla leMDC elikhokhelwa nguMnu. Nelson Chamisa lithi kumele kudingwe umlamlankunzi ozakwenza imihlangano yokukhulumisana yebandla leli lele Zanu PF.

Ibandla leli lithi kalisoze lingene yonke imihlangano eqoqwa nguMongameli Emmerson Mnangagwa ofisa ukuthi kulungiswe isimo esibi somnotho welizwe leZimbabwe.

UMnangagwa uqoqe omunye umhlangano izolo lapho obekulamabandla amancane agoqela eleMDC elikhokhelwa nguNkosazana Thokozani Khupe.

Amanye amabandla la athi akuncedi ukwenze imihlangano kungelabandla leMDC elikhokhelwa nguChamisa.

UMnu. Nkululeko Sibanda, isikhulumeli sikamongameli weMDC, uthi kuqakathekile ukuthi kube lomlamlankunzi ozaphatha inkulumo zamabandla hatshi uMnangagwa.

Kodwa-ke uMnu. Believe Gaule webandla leZanu PF uthi inkulumo zamabandla zizaqhubekela phambili kungelabandla leMDC elikhokhelwa nguMnu. Nelson Chamisa.

Embed share

Ibandla leMDC Lithi Akudingwe Umlamlankunzi Ozalungisa Okuhluphayo eZimbabwe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:02 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala