amalinks wokungena

Breaking News

'UMnangagwa Kumele Aguqule Izenzo Nxa Efuna Izijeziso Zesulwe'


United Nations General Assembly

UMongameli Emmerson Mnangagwa ukhangelelwe ukwethula amazwi akhe emhlanganweni weUnited Nations General Assembly ntambama namuhla lapho iphephendaba abikwa ezacela amazwe afana leMelika ukuthi esule izijeziso azethesa amalunga eZanu PF lamankampani alobudlelwano lalelibandla.

UMnangagwa uthi izijeziso lezi kumele zisuswe ngoba zibulala umnotho welizwe njalo ziphazamisa uzulu.

Kodwa amazwe aphetsheya athi izijeziso lezi ziqondane lamalunga eZanu PF kuphela njalo aziphazamisi uzulu makhaza.

UMnangagwa uzakhuluma nge-video eseHarare ngoba lonyaka umhlangano lo uqhutshwa lowo lalowo eselizweni lakhe ngenxa yomkhuhlane weCoronavirus.

UMongameli Mnangagwa uzaphatha njalo udaba lomkhuhlane lo atsho lemizamo enziwa nguhulumende wakhe ukuwenqabela.

Ukuhlaziya loludaba sixoxe losopolitiki uMnu Edwin Ndlovu lolwela amalungelo oluntu uMnu Dumisani Nkomo onguye osungula lingxoxo.

please wait

No media source currently available

0:00 0:05:29 0:00

Facebook Forum

XS
SM
MD
LG