amalinks wokungena

Breaking News

UMnangagwa Labanye Bakhalela Umdeni Wako Tsvangirai Ngokubhubha Kuka Vimbai


Umuyi uNkosikazi Vimbai Tsvangirai-Java.

Bakhala ezimathonsi abantu ngokubhubha kuka Nkosikazi Vimbai Tsvangirai-Java obemele iGlenView edale lephalamende ekubandla leMDC elikhokhelwa nguMnu. Nelson Chamisa.

Omunye wabephuke inhliziyo nguDokotela Alex Magaisa, ofundisa ezomthetho kwele Bhilithani.

Uthi umuyi uMorgen Tsvangirai wayelethemba lokuthi indodakazi yakhe yiyo ezaqhubekisela phambili umsebenzi wakhe kwezombangazwe lakubandla leMDC.

UMongameli Emmerson Mnangagwa laye ukhalele umdeni wako Tsvangirai ebulenjini beTwitter lapho athe kuyadanisa ukubhubha komntwana kamuyi uMorgen Tsvangirai.

Kulabantu abanengi abakhalela umdeni kaTsvangirai endlini kamuyi njalo lebulenjini bokuxhumana obeTwitter lezinye inkundla zikazulu.

UNkosikazi Tsvangirai Java walimala engozini yomgwaqo duzane leKwekwe evela koBulawayo. Kwabhubha abantu ababili ababehamba laye imota yabo ize ingqikilane leyinye.

Uyise wabulawa yisifo semvukuzane kwathi unina wabhubhela emgwaqweni njengaye.

UNkosikazi Tsvangirai Java usanda kukhethwa ukuba ngunobhala jikelele wohlangothi lwabesifazana kubandla leMDC.

Facebook Forum

XS
SM
MD
LG