UMongameli Emmerson Mnangagwa sekhethe abahluleli beadle leSupreme Court abatsha abayisithupha ababalisa uJustice George Chiweshe, Samuel Kudya, Joseph Musakwa, Alphias Chitakunye, Hlekani Mwayera loJustice Felistus Chatukuta.
Abanye babahluleli laba yibo abalakho ukuhluza udaba lukamahluli omkhulu uChief Justice Luke Malaba yena ophikisa isinqumo sokususwa kwakhe esikhundleni yiHigh Court.
Inkundla yeZimLive ithi abahluleli laba balakho ukufungiswa namuhla.
Kusenjalo, iHigh Court namuhla izahluza olunye njalo udaba lukaMalaba olokuthi weyisa idale ngokubuyela emsebenzini lanxa linkundla yayisimsusile esihlalweni.
Umkhokheli wenhlanganiso yeZimbabwe Human Rights NGO Forum uMnu Musa Kika nguye umamangala.
Igqwetha uMnu Matshobana Ncube utshele iStudio 7 ukuthi ukukhethwa kwabahluli abatsha yiso sodwa isisombululo kudaba lwalabo abazahluza udaba lukaMalaba olokuthi kumele asuke esihlalweni.
