amalinks wokungena

Breaking News

'UMnangagwa Ubehuda Njalo Ehlanza Okumangalisayo'


Vice President-Elect Emmerson Mnangagwa, widely expected to succeed President Mugabe as Zimbabwe's next leader. (Collage by Ntungamili Nkomo)

Umsekeli kaMongameli Mugabe, uMnu Emmerson Mnangagwa ulaliswe esibhedlela kweleSouth Africa ngemva kokuhlanza lokuhuda esemhlanganweni kaMugabe eGwanda ngoMgqibelo.

UMugabe ukufakazile ukugula kukaMnangagwa emkhosini wokunanza ilanga lamaqhawe eHarare ngoMvulo.

Umphathintambo wezempilakahle uMnu David Parirenyatwa yena utshele intathelizindaba ukuthi uMnangagwa uhlaselwe ngumkhuhlane weGastritis, wona omenze wahlanza kabuhlungu njalo ehude.

Lokhu kwenze wasuka ngesiphangiphangi eGwanda umhlangano kaMugabe ungakapheli wagijinyiselwa ezibhedlela ezimbalwa ngehelicopter andubana aye kweleSouth Africa ngeSonto.

Kunakanelwa ukuthi uMnangagwa engaba efakelwe ekudleni yizitha zakhe kubandla leZanu PF eziphikisa imizamo yakhe yokuthatha intambo zombuso alubana uMugabe ethe wasuka esihlalweni.

UParirenyatwa uthe ukhulume loMnangagwa wamazisa ukuthi usesizwa ngcono kakhulu.

Wona umkhuhlane weGastritis ubangelwa yini?

“Lesi yisifo sesisu, esokusubuka esiswini eve esevuvuka njalo siyenza ukuthi umuntu ahlanze. Kwesinye isikhathi uyahlanza igazi,” kutsho udokotela Joshua Sibanda?

“Umkhuhlane lo ubangelwa yizinto ezitshiyeneyo ezigoqela ukudla nxa ngabe kule acid kumunyu kakhulu, kuyenzeka ukuthi umuntu asubuke esiswini.”

please wait

No media source currently available

0:00 0:02:29 0:00

Ukuhlaziya loludaba sixoxe lengcwethi kwezombusazwe uMnu Nkululeko Sibanda yena othe kungaba liqiniso mpela ukuthi uMnangagwa wafakelwa ekudleni.

please wait

No media source currently available

0:00 0:02:07 0:00

Facebook Forum

XS
SM
MD
LG