amalinks wokungena

Breaking News

UMnangagwa Uhlangana Labalimi Abamhlophe eTanzania Abaxotshwa nguMugabe


UMongameli Mnangagwa

UMongameli Emmerson Mnangagwa uphendukile eZimbabwe ngoLwesihlanu evela kwele Tanzania lapho akade eyekhona okwamalanga amabili eyethekelele omunye wakhe, uMongameli John Magufuli, owamnxusayo.

UMnangawa utshele intathelizindaba ukuthi umsekeli wakhe uMnu. Kembo Mohadi lomgcinisihlalo wabesifazane kubandla leZanu PF, uNkosikazi Oppah Muchinguri Kashiri, basiwa kwele South Africa ukuyakwelatshwa amanxeba abawathola ngemva kokudubuka kwebhomba enkundleni yeWhite City ngeviki ephelileyo.

UMnangagwa ubikwa eyethekelele labalimi abamhlophe abaxotshwa emapulazini abo ngesikhathi sombuso kaMnu. Robert Mugabe. Uphinde wethekelela enkambeni okwakuhlala khona abalwa impi yenkulululeko.

“Saqalela khonapha eTanzania impi yenkululeko kodwa abe FRELIMO yibo ababephambili kulathi basebesuka baya kweyinye inkamba.”

Ukuhlaziya uhambo lukaMnangagwa sixoxe lesizalwane seZimbabwe esihlala eTanzania, uMnu. Mathula Lusinga, onguye njalo omela ibandla leMDC-T ekhokhelwa nguMnu. Nelson Chamisa.

“Uhulumende walapha bamamukele kahle bamenzela ama ceremony wonke ayenzelwa inkokheli yelizwe.”

please wait

No media source currently available

0:00 0:02:27 0:00

Facebook Forum

XS
SM
MD
LG