amalinks wokungena

Breaking News

UMnangagwa Uphenduka eZimbabwe Uzulu Esethwele Nzima Ngokukhuphuka Kwentengo Yempahla


UMongameli Emmerson Mnangagwa uphenduke kwele Zimbabwe ngoLwesine kulabanye abantu abathi usephuze kakhulu ukuthi akhethe amalunga edale lephalamende.

UMnangagwa uphenduke ngesikhathi sokuphuke okumangalisayo intengo yempahla etshiyeneyo njalo sokusilela eyinye kwele Zimbabwe. Abalwa impi yenkululeko bathi lokhu kwenziwa ngumanyano weMDC Alliance osebenza lamazwe asentshonalanga abafisa ukuthi uzulu avukele uhulumende kaMnangagwa.

UMnangagwa uthe efika kwele Zimbabwe evela emhlanganweni obizwa ngokuthi yi2018 Beijing Forum on China-Africa Cooperation Summit ukhuthaze amalunga edale lephalamende lawe Senate ukuthi asebenzele uzulu.

Esethula lokhu, abanye abantu bebethwalise nzima uhulumende wakhe besithi kasoze enelise ukuguqula umnotho welizwe ogugudeka okumangalisayo.

Intengo yempahla enjenge nyama, isamende lokunye okutshiyeneyo isikhuphuke kakhulu ezitolo.

Uzulu uthi ibandla leZanu PF kalenelisi ukuvuselela umnotho welizwe.

Kodwa-ke abasekela ibandla elibusayo bathi kukhanya engani amazwe entshonalanga yiwo enza ukuthi kugugudeke umnotho welizwe leZimbabwe.

UMnu. Douglas Mahiya, isikhulumeli senhlanganiso yabalwa impi yenkululeko eye Zimbabwe National Liberation War Veterans’ Association, uthi kusobala ukuthi uMnu. Nelson Chamisa ubambisana lamazwe ambalwa njalo labosomabhizimusi ukuthi babhidlize umnotho welizwe leZimbabwe.

Umanyano weMDC uthi ngamanga aluhlaza tshoko okukhulunywa nguMahiya labanye bakhe.

Uzulu njalo umelele ngamehlo abomvu ukuzwa amagama abantu abazakhethwa nguMngangagwa abazangena kudale leCabinet.

Kulabanye abathi kumele akhethe abantu abakhaliphileyo hatshi labo abasekela ibandla leZanu PF kuphela.

Facebook Forum

XS
SM
MD
LG