amalinks wokungena

Breaking News

UMnangagwa useUK Lapho Athi Ulakho Ukuhlangana loBoris Johnson


President Emmerson Mnangagwa addressing senior members of Zimbabwe ruling Zanu PF party on Oct. 29, 2021 in Bindura about 80km north of Harare (Columbus Mavhunga/VOA)

UMongameli Emmerson Mnangagwa ukweleUnited Kingdom namuhla emhlanganweni weUnited Nations wokukhulumisana ngodaba lokuguquka komkhathi oweCOP26.

Umhlangano lo uzangenwa zinkokheli zamazwe omhlaba edolobheni leGlasgow, eScotland, ezigoqela uMongameli Joe Biden weleMelika zibonisa ngokuthi udubo lolu, olwaziwa ngokuthi yi-climate change ngesingisi lungalungisiswa njani.

UMnangagwa utshele abasekeli beZanu PF ngoMgqibelo ukuthi ulakho ukuhlangana lomkhokheli weleBhilithani uMnu Boris Johnson bexoxisana ngobudlelwano phakathi kwamazwe womabili.

Ngokwakuqala eminyakeni engamatshumi amabili edluleyo ukuthi umholi weZimbabwe aye eUK ngemva kokwetheswa kukamuyi uMnu Robert Mugabe izijeziso yenotho kanye laye uMmnangagwa.

Ingcwethi kwezombusazwe uMnu Effie Dlela Ncube utshele iStudio 7 ukuthi lanxa umhlangano lo uqakathekile, okufunwa nguzulu weZimbabwe ngokuphuthuma yimisebenzi lokuhlonitshwa kwamalungelo oluntu nguhulumende.

please wait

No media source currently available

0:00 0:03:31 0:00

Kusenjalo, amazwe athuthukileyo akumanyano weG20 agqibe umhlangano wawo wokuhlaziya udaba lomkhathi lolu kweleItaly izolo.

Inkokheli zamazwe angene lumhlangano zigoqela uBiden, uBoris kanye loweFrance uMnu Emmanuel Macron.

Umhlangano lu uvumelene ukuthi amazwe athuthukileyo akaseyikusekela inhlelo zokusetshenziswa kwamalahle emazweni asathuthukayo ngoba engenye yembangela zokuguquka komkhathi.

Facebook Forum

XS
SM
MD
LG