amalinks wokungena

Breaking News

UMnangagwa Uthembisa Ukwehlisisa Imbadalo Yokwelatshwa Kwabalemvukuzane


Umtshina wesibhedlela

Indleko zokwelwatshwa ezibhedlela zeZimbabwe ziyadula kakhulu kodwa zisuke zidule okwedlulisileyo nxa sekuselatshwa imkhuhlane efana leyemvukuzane, izinso kunye lomkhuhlane wenhliziyo.

Ngenxa yendleko eziphezulu inenge labantu abagula imkhuhlane engathelwelwanayo abenelisayo basuka bayedinga ukwelatshwa phandle kwelizwe.

Umongameli Emmerson Mnangagwa uthembise ukuthi uzaxoxisana leziphathamandla zezempilakahle ukuthi kwehliswe imali ebhadalwayo nxa umuntu eselatshwa umkhuhlane wemvukuzane.

Ukwelatshwa ihlandla elilodwa ngemitshina etshisa igcikwane lemvukuzani kubiza amadola angamakhulu amane.

Uzulu wamukele isithembiso sokwehliswa kwendleko lezo ethi kungumlandu kahulumende ukunanza amalungelo oluntu kanye lokwenza ukuthi umuntu wonke uyafinyelela ukwelatshwa elizweni. Umnumzana Thabani Dhliwayo ngomunye walabo abajabulele umbiko kaMongameli.

Unkosikazi Sifiso Bhebhe laye ujabulele umbiko kamongameli ethi inengi labantu bebulawa ngumkhuhlane wemvukuzane ngenxa yokuswela imali yokwelatshwa.

Unkosikazi Nkosinesisa Ndlovu uthi kuyadanisa kakhulu ukuthi khona kulesithembiso lesi ngoba sekuze kwabhubha umuntu omqoka. Ethi njalo leli linyathelo elamukelekileyo ngoba abantu abanengi bengela Medical Aid yokuthi bazelaphise.

Inani labalomkhuhlane wemvukuzane libikwa seliqansile kakhulu ikakhulu ebantwaneni njalo iZimbabwe ilabantwana abayisilinganiso sokungamatshumi ayithoba minwe mibili ekhulwini, i80 percent ababulawa ngumkhuhlane lo ngenxa yokuswela imali yokwelatshwa lokuphuza kokubanjwa lowumkhuhlane emtshineni.

Facebook Forum

XS
SM
MD
LG