amalinks wokungena

Breaking News

UMnangagwa Uthi Inhlanganiso Ezifundisa Uzulu Ngokuvota Zisetshenziswa Yizitha


APTOPIX Zimbabwe Independence Celebrations

UMongameli Emmerson Mnangagwa ngoMgqibelo uchothoze inhlanganiso ezizimeleyo eziphatheke kumsebenzi wokufundisa uzulu ngezokhetho esithi inhlanganiso lezi zisetshenziswa ngamazwe ayizitha zeZimbabwe.

UMnangagwa wethule amazwi la emhlanganweni weZanu PF Politburo oqhutshelwe eHarare.

Ukhuthaze amalunga alelibandla ukuthi lawo aphatheke kunhlelo zokufundisa lokukhuthaza abantu ukuthi babhalisele ukuvota njalo bavotele iZanu PF, hatshi ukuthembela kunhlanganiso ezizimeleyo.

“Kumele sihlakaniphe kakhulu,” kutsho uMnangagwa. “Siziqaphele inhlanganiso lezi ngoba ziludlawu lwabancindezeli bethu bona abalokhe besafuna ukuqhubeka besincindezela.”

Abenhlanganiso ezizimeleyo bawasolile kakhulu lawa mazwi besithi aveza sobala ukuthi uhulumende ulwa labo.

Bathi sokukhanya mgceke ukuthi ngokubumba imithetho efana lowePatriotic Bill kanye lowePrivate Voluntary Organizations Bill, uhulumende kaMnangagwa uzama ukuvala inhlanganiso zabo.

Lanxa uMnangagwa engaziqambanga ngamagama, inhlanganiso eziqhuba imfundiso ephathelane lezokhetho zigoqela eyeZESN, iEkhayaVote2023, iProjectVote263 lezinye ezitshiyeneyo.

“Siyadana, siyamangala njalo silokwesaba ngamazwi aphiwe nguMongameli welizwe,” kutsho umgcinisihlalo wenhlanganiso yeHarare Metropolitan Residents Forum uMnu Marvelous Khumalo. “Siyabona ukuthi lokhu kungacina kusenza ukuthi amaCSOs abanjwe kabi.”

UKhumalo wengeze wathi “indaba yama-votes le… yindaba ele-interest yomuntu wonke ngoba yikho okuqalela khona indaba ze-development ku-voting system, ukuthi ukhetha bani akumele, abe ngu-councilor, abe nguMP kumbe uSenator kumbe uMongameli oyabe umthanda.

“Yikho vele khonapho okuqalisa khona i-development. Ngakho, le yindaba esile interest enkulu ngayo njengenhlanganiso ezizimeleyo, hatshi ukuthi sibiza abantu baphandle, hayi le yindaba elokwenza lamaZimbabweans.”

UMnangagwa, yena oqale ikhefu lakhe lomnyaka wonke ngoLwesihlanu, utshele amalunga ePolitburo njalo ukuthi ekhankase eqinile ukuze lelibandla linqobe kuma-by-elections azakwenziwa mhlaka 26 ngoMbimbitho kanye lakukhetho lwelizwe lonke ngomnyaka ozayo.

Kodwa amanye amabandla aphikisayo athi ngaphandle kokuqilibezela, ibandla leZanu PF alingeke linqobe kulezinketho.

please wait

No media source currently available

0:00 0:03:28 0:00

Facebook Forum

XS
SM
MD
LG