amalinks wokungena

Breaking News

UMnangagwa Uthi Ukhulumisane loBiden Wathembisa Ukumxhuma Bexoxisane


UMongameli Emmerson Mnangagwa uthi ukhulume loMongameli weMelika uMnu Joe Biden wathembisa ukuthi uzamxhuma bekhulumisane ngokuhluphayo phakathi kweZimbabwe leMelika.

UMnangagwa utshele intathelizindaba ngoLwesithathu ukuthi ekukhulumisaneni kwakhe loBiden emhlanganweni weCOP26 eScotland, unanzelele ukuthi uBiden uyalithakazelela eleZimbabwe njalo indlela abona ngayo lelilizwe yehlukile kulendlela isigodlo seMelika eHarare esibona ngayo.

Isigodlo seMelika sihlezi sisola uhulumende weZimbabwe sisithi wephula amalungelo oluntu, okuyinto ehlala isenziwa njalo nguhulumende kaBiden eWashington DC.

UMnangagwa ufuna iMelika yesule izijeziso zenotho eyamethesa zona lamanye amalunga eZanu PF.

Kodwa iMelika ihlezi isitsho njalo nje ukuthi izijeziso lezi zizasuswa nxa uhulumende weZanu PF esehlonipha amalungelo.

UMnangagwa uthe ulethemba njalo lokuthi ubudlelwano phakathi kweZimbabwe leBhilithani buzavuselelwa ngoba sokulokuzwanana phakathi kwamazwe womabili.

Umbuzo omkhulu ngothi kambe singabona uBiden ekhulumisana loMnagagwa yini njalo lobudlelwano bulungisiswa phakathi kwamazwe aphetsheya leZimbabwe?

Ohlaziya ezombusazwe uMnu Difa Dube utshele lumsakazo ukuthi njengokutsho kwamazwe aphetsheya phambilini, udaba olumqoka olumele lulungiswe kuqala ngolwezombusazwe kanye lezamalungelo.

please wait
Embed

No media source currently available

0:00 0:02:37 0:00

XS
SM
MD
LG