amalinks wokungena

Breaking News

UMnangagwa Uthuke iMDC Alliance Esungula Amankampani Ababengabalweli Benkululeko


President Emmerson Mnangagwa.

UMongameli Emmerson Mnangagwa ngoMgqibelo uchothoze ibandla leMDC Alliance elikhokhelwa nguMnu Nelson Chamisa esithi liziphatha njengenhlanganiso yeziklili, i-terrorist organization.

Ngokubika kwehofisi yakhe, uMnangagwa wethule amazwi la eseharare ngesikhathi esungula uhlelo lokubhalisa kutsha abalwela inkululeko yelizwe kanye lalabo ababephandle kwelizwe kodwa abangazange baphatheke ngokugcweleyo, ama-war collaborators.

UMnangagwa ukhuthaze ababengebalweli bempi yenkululeko laba ukuthi basekele iZanu PF njalo bengaze bayengwa yiMDC Alliance, yona athi ayilandaba labantu, kanti njalo ayiwusekeli umbuso okhululekileyo.

Emcimbini lo, umphathintambo wezemali uMnu Mthuli Ncube wazise ukuthi uhulumende usehlele imali engangeZ$380 million eyokuthuthukisa abalwa impi yenkululeko laba.

Uthe njalo uhulumende usebasungulele amankampani ayisikhombisa azaphatheka kunhlelo zokwemba, ukulima lezinye ezitshiyeneyo.

Abanye bathi le yindlela nje yeZanu PF yokudinga usekelo phambilini kokhetho luka2023.

Isikhulumeli seMDC Alliance koBulawayo uMnu Swithern Chiroodza utshele iStudio 7 ukuthi bayawasola kakhulu amazwi kaMnangagwa awokufananisa ibandla lakhe lenhlanganiso zezikliwi.

please wait

No media source currently available

0:00 0:01:46 0:00

Kusenjao, ibandla leMDC Alliance ngoMgqibelo lisungule uhlelo lokukhuthaza abesifazana ukuthi bangena ezikhundleni eziphezulu kwezombusazwe.

Omunye wabasekeli bakaChamisa uNkosikazi Lynett Karenyi Kore uthi basungule ikhomithi ebizwa ngokuthi yiSmart Gender Drive Taskforce ezagwcwalisa linjongo.

Facebook Forum

XS
SM
MD
LG