amalinks wokungena

Breaking News

'UMnangagwa Utshengise Ubuwula Obukhulu'


Zimbabwe's former Vice President Emmerson Mnangagwa, who is to be sworn in to replace Robert Mugabe as president, addresses supporters in Harare, Zimbabwe, Nov. 22, 2017.
Zimbabwe's former Vice President Emmerson Mnangagwa, who is to be sworn in to replace Robert Mugabe as president, addresses supporters in Harare, Zimbabwe, Nov. 22, 2017.

Uzulu weHarare uthi uMnu Emmerson Mnangagwa utshengise ubuwula ngokuveza ukuthi ube lesandla akugenqulweni kombuso kaMnu Robert Mugabe libutho.

UMunangagwa uveze lokhu ekhuluma labasekeli beZanu PF ngoLwesithathu ekufikeni kwakhe evela kwelaseSouth Africa lapho abalekele khona esithi uMugabe labantu bakhe bebezama ukumbulala.

Abakhulume leStudio 7 bathi abazwi la agcwalise khona kanye abakade bekucabangela ukuthi uMnangagwa nguye osebenzise ibutho leZimbabwe ukukhipha uMugabe.

“Kukhanya babebonke bebumba icebo lokuthi bengangena njani ngoba wakhuluma ekusukeni kwakhe ukuthi uzaphenduka phakathi kwamaviki amabili,” kutsho isakhamuzi uMnu Mthokozisi Nkomo.

“Lakanye uphendukile. Babekuhlelile labakhokheli bebutho ukuthi bazakwenza lokhu lalokhu lalokhu.”

UNkomo uthe lanxa ekusola ukuvukela umbuso kusetshenziswa ibutho, zikhona impawu emazwini kaMnangagwa ezikhombisa ukuthi uzimiselele ukusebenzela uzulu.

Ingcwethi kwezombusazwe uMnu Eric Muzamhindo yena uthe besingekho isizatho sokuba uMnangagwa akuveze lokho.

“Usesibonisa ukuthi uzakuba ngumkhokheli ongawuhloniphiyo umbuso wabanengi singakhangelisisa inkulumo yakhe. Uyazigwenxa,” kutsho uMuzamhindo.

UMnangagwa uxotshwe umsebenzi kuhulumende kanye lakubandla leZanu PF nguMugabe emethesa icala lokuzama ukugenqula umbuso wakhe.

Abanye bathi uMugabe wayeqinisile nanku uMnangagwa esezikhulumela ngowakhe.

please wait

No media source currently available

0:00 0:02:37 0:00
XS
SM
MD
LG