Ibandla leZANU PF eMatabeleland South lithi asesemaphethelweni amalungiselelo omhlangano omkhulu werally kamongameli Emmerson Mnangagwa eGwanda enkundleni ye Phelandaba namuhla.
Kasenelisanga ukukhuluma lomgcinisihlalo weMatabeleland South kubandla leZANU PF, uMnu. Rabelani Choeni ukuze sizwe okunengi ngaloludaba ngoba esithi usemangweni.
Nyakenye uMnangagwa wagula waewathwala yi helicopter wasiwa esibhedlela se South Africa ese Phelandaba Stadium emhlanganweni kamongameli Robert Mugabe ngemva kokudla iice cream athi yayiletshefu.
Kodwa isakhamuzi seGwanda, njalo eyisiphathamandla sebandla leMDC-T, uMnu. Thandeko Zinti Mnkandla utshele uSithandekile Mhlanga weStudio 7 ukuthi akulamalungiselelo abonakalayo.
Uthi balutshwana abantu abazi ukuthi uMnangagwa uyeza eGwanda.
“Mhlawumbe abaziyo ukuthi uyeza yilabo abasebenzela uhulumende,” kutsho uMkandla.