amalinks wokungena

Breaking News

UMnangagwa Wenzela uMongameli weleZambia Omutsha Amhlophe


UMongameli Emmerson Mnangagwa wenzele amhlophe uMongameli weleZambia omutsha uMnu Hakainde Hichilema kulandela ukunqoba kwakhe kukhetho olwenziwe ngeviki edluleyo.

UHichilemma ungene kukhetho lolu emele ibandla eliphikisayo wabhaxabula uMongameli Edgar Lungu ngamavoti edlula isigidi, 1 million.

Uzafungiswa ukuqala umsebenzi ngeviki ezayo.

Kumbiko awethule izolo, uMnangagwa uthe akalakuthandabuza ukuthi uHichilema uzasebenzela uzulu welizwe lakhe ngobuqotho.

Uthe njalo uzimisele ukudlelana laye kuhle.

Phambilini kokwethulwa kwempumela yalolukhetho, isikhulumeli sikaMnangagwa uMnu George Charamba uthuke uHichilema enkundleni yeTwitter kumfanekiso lapho ayemi khona lomholi weMDC Alliance uMnu Nelson Chamisa loMnu Musi Maimane wakweleSouth Africa esithi bangabathengisi.

Ohlaziya ezombusazwe uMnu Mthulisi Hanana utshele iStudio 7 ukuthi kaboni ukuthi amazwi kaCharamba engaphazamisa ubudlelwano beZimbabwe lobeZambia.

please wait

No media source currently available

0:00 0:02:54 0:00

Facebook Forum

XS
SM
MD
LG