amalinks wokungena

Breaking News

UMnangagwa Uye eMozambique Ukuyahluzisisa Ukuhlaselwa Kwalelo Lizwe Ngabesi-Islam Abedlulisa Amalawulo


UMongameli we Zimbabwe uMnu Emmerson Mnangagwa namhlanje ulubhekise kwele Mozambique ukuyazwisisa udaba lwasebelwisa kulelo lizwe abkholo lweIslam abedlulisa amalawulo. Ingcitshi ezicubungula ezombusazwe zithi eleZimbabwe njengawo wonke amazwe asehlubulweni wangezansi yezwekazi leAfrica kumele lidlale indima enkulu ekuncediseni ele Mozambique ngoba lingozi ingacaphela emazweni angomakhelwane.

Uhambo lukaMnangagwa lwenziwa ngesikhathi amazwe asemhlubulweni wangezansi yeAfrica aweSADC esekubona ukuba udubo oluseMozambique alusoze luphelele elizweni lelo kuphela njalo lulakho ukuphazamisa komnotho emazweni angamalunga.

Ele Mozambique libhekane lodubo lokulwiswa ngabahlamuki bokholo lwesi Islam abedlulisa amalawulo abangasafuni umbuso okhona elizweni lelo.

Ingcitshi kwezombusazwe uMnu Michael Ndiweni usekela ukungenela kweZimbabwe kulingxaki.

“Wonke amazwe alumlandu ku SADC nxa sekuvuke ingozi yabahlamuki ngoba sekungahlasela ele Zimbabwe kusasa, njalo bangahlasela amazwe onke awe SADC, kungakho kumele sengezelele umsebenzi wethu njengele Zimbabwe”

Okugcizelelwe ngeyinye ingcitshi ecubungula ezomnotho, uMnu Masimba Kuchera.

“IZimbabwe ilokokwenza ngodaba lolu. Ngokubona kwami iZimbabwe kayila mali yokuba ingenele, ngoba singela mali yokubhadaka amatitshala labanye abantu abasebenzayo”

UMnu Pride Mkono ocubungula ezombusazwe, uthi kuqakathekile ukuthi iZimbabwe njengawo wonke amazwe akulumhlubulo akhangelisise ngelihlo lokhozi umumo oseMozambique.

“Ilizwe le Zimbabwe ngumakhelwane we Mozambique, kuvela ioil yethu enengi kwele Mozambique, kungaqhubeka kulodlakela lokhu kungasiphazamisela umnotho”

UMnu Burstur Magwizi owake waba kubutho njalo walwa impi ekuviyo le ZPRA uthi inkokheli yeSADC kayingathathi lula ingozi engadalwa ngamaterrorist esiIslam kulumhulubulo.

“Kuqakathekile ukuba sincedisane ngoba abanye bakhona kufana le Boko Haram, okwenza kube lobudlova loba yikuba abanelisi ukubusa. Ngabe bayalungisa indlela ababuse”

Ingcitshi zithi kumele amazwe la azwisise imbangela yokulwisa kwamaterrorist lawa, kweleMozambique.

Uhulumende weZimbabwe uthi uyayibona ingozi lomonakalo ongadalwa ngabahlamuki besiIslam abedlulisa amalawulo hatshi kweleMozambique kuphela kodwa lemazweni angomakhelwane, yikho ethethe inyathelo lokuthi uMongameli Mnangagwa ethekelele kulelozwe ukuze akhangelisise ukuthi lingancediswa ngayiphi indlela.

please wait

No media source currently available

0:00 0:00:43 0:00
XS
SM
MD
LG