Abemuli yowalwa impi yenkululeko ekuviyo leZipra njalo obeyintathelizindaba uMnu Saul Gwakuba Ndlovu sebesole ukungaphiwa kwakhe inhlonipho yeqhawe lesizwe libandla leZanu PF.
UNdlovu, yena odabuka eDombodema, ePlumtree, ubekwe emalibeni eLady Stanley koBulawayo ngoLwesine idale leZanu PF Politburo lilokhe lingakaphenduli isicelo sokuthi aphiwe linhlonipho njalo angcwatshelwe eNational Heros Acre.
Le yinto esolwe kakhulu lilunga lomndeni kaGwakuba uMnu Bulukani Timothy Kumile Masola emngcwabeni, ngokubika kwephephandaba leChronicle.
Insolo le igcizelelwe ngolwela amalungelo oluntu uMnu Mthulisi Hanana yena otshele iStudio 7 ukuthi uGwakuba ubemele abe liqhawe lesizwe ngoba wadlala indima enkulu ekukhululeni ilizwe.
Sehlulekile ukukhulume leziphathamandla zeZanu PF.