amalinks wokungena

Breaking News

Umnewabo Womhleli weSunday Mail Umiswa Phambi Komthethwandaba


Edmund Kudzayi

UMnu. Phillip Kudzayi, umnewabo kaEdmund Kudzayi umhleli wephephandaba le The Sunday Mail, umiswe phambi komthethwandaba kamantshi eHarare ngoLwesine esetheswa amacala afanayo lawomnawakhe agoqela elokweyisa iziphathamandla zebandla leZANU PF enkundleni yebulenjini beFacebook, ehamba ngegama lokuthi nguBaba Jukwa.

UMnumzana Kudzayi omdala ubotshwe ngoLwesibili njalo umnewabo ubotshwe ngeviki edluleyo, esetheswa amanye njalo amacala agoqela elokuzama ukugenqula umbuso kahulumende. Uyaliphika lelicala.

Bobabili lokhu bevalelwe esitokisini eHarare njalo bakhangelelwe ukumiswa phambi komthethwandaba ekuqaleni kwenyanga ezayo. Umthethwandaba usubacebise ukuthi bedinge imvumo yokukhululwa ngesibambiso se bail emthethwandaba waphezulu, oweHigh court njalo uEdmund Kudzayi usemelele ukuzwa isinqumo salumthethwandaba ngoLwesihlanu.

XS
SM
MD
LG