amalinks wokungena

Breaking News

UMnu Donald Trump Uthi Ulakho Ukuncintisa Njalo Ngo2024


USA-TRUMP/ Former U.S. President Donald Trump at CPAC

UMnu Donald Trump uthi ulakho ukuncintisa njalo kukhetho luka2024 angqikilane loMongameli Joe Biden yena omnqobe kukhetho lwanyakenye.

Ekhuluma emhlanganweni oqoqwe libandla lakhe lamaRepublicans izolo oweConservative Political Action Conference (CPAC) uTrump usole umbuso kaBiden esithi usubuyisele ilizwe emuva.

Uthe uMongameli Biden sevule imingcele yelizwe wavumela lezigebengu ukuthi zingene.

Uthe njalo uBiden kumele avule izikolo ngoba umkhuhlane weCoronavirus awuhlaseli kakhulu abantwana.

UTrump uthe kungamanga ukuthi uqoqa ukubumba elakhe ibandla, wathi uzaqhubeka elilunga lebandla lamaRepublicans, lona athi lizanqoba kukhetho lokudinga amalunga ephalamende oluzakwenziwa ngo2022.

Uthe njalo uBiden kumele anqotshwe ngo2024. Lanxa enqotshwe nguBiden kukhetho olwedluleyo, uTrump ukhanya elokhe elosekelo olunengi kubandla lakhe.

Kodwa lokhu akutsho ukuthi nguye ozahle akhethwe ukuze ancintise emele amaRepublicans, kutsho, ingcwethi ecubungula ezombusazwe uMnu Effie Dlela Ncube.

please wait

No media source currently available

0:00 0:03:11 0:00

Facebook Forum

XS
SM
MD
LG