amalinks wokungena

Breaking News

UMnu. Ernest Maphepha Sibanda Obhubhe ngoLwesibili Usebekiwe Emathuneni eLady Stanley koBulawayo


UMnu. Ernest Maphepha Sibanda

Abakhulume emathuneni babalisa umphathintambo kahulumende koBulawayo uNkosikazi Judith Ncube, usodolobho wakoBulawayo uMnu. Solomon Mguni, oMnu. Omega Sibanda, Lawrence Phiri, Zenzo Moyo, labanye

Owake wadlalela iqembu elenguqu eleHighlanders njalo waba ngumgcinisihlalo walo uMnu. Ernest Maphepha Sibanda obhubhe ngoLwesibili ubekiwe namuhla emathuneni eLady Stanley koBulawayo lapho obekuthe gwaqa umdeni wakhe leziphathamandla zikahulumende kanye lezemidlalo yenguqu.

UMnu. Sibanda, obeseleminyaka engamatshumi ayisithupha lantathu eyokuzalwa-63, ubikwa ebulewe ngumkhuhlane wetshukela.

NgoLwesihlanu, umzimba wakhe ubikwa ubhoda-bhodisiwe edolobheni lakoBulawayo ukuze abasekeli bakhe bemvalelise.

Abakhulume emathuneni babalisa umphathintambo kahulumende koBulawayo uNkosikazi Judith Ncube, usodolobho wakoBulawayo uMnu. Solomon Mguni, uMnu. Omega Sibanda omela iVungu edale lephalamende, owake waba ngumsekeli kamkhokheli weZIFA kanye labasebenza lomuyi oMnu.. Lawrence Phiri, Zenzo Moyo, labanye. UMnu. Omega Sibanda ubikwa echothoze abenqabela umuyi ukuthi ancintise kukhetho lokudinga abakhokheli bebandla leHighlanders eminyakeni edluleyo.

Ukuze sizwe ngembali yakhe kanye lokukhulunywe embuthanweni engakabekwa, sixoxe loMnu. Muziwethu Hadebe, ingcwethi kwezemidlalo.

UMnu. Hadebe uthi okumangalisayo yikuthi akubanga lesikhulumeli esivela kuqembu leHighlanders, Premier Soccer League kumbe iZimbabwe Footbal Association.

please wait

No media source currently available

0:00 0:05:22 0:00


Facebook Forum

XS
SM
MD
LG