amalinks wokungena

Breaking News

UMnu Hlalo Uxotshwa Kubandla leMDC-T


Ibandla leMDC-T selimise kancane ummeli weMakokoba edale leSenate uMnu Matson Hlalo ukuba lilunga.

Lelibandla livimbe njalo uMnu Job Sikhala ukuthi ancintise esikhundleni sokuba ngumsekeli kanobhala obona ngokuqoqwa kwenhlelo zebandla emhlanganweni walo omkhulu oweCongress ekupheleni kwalinyanga.

Izinqumo lezi zithethwe lidale leNational Executive ngoMgqibelo.

Abazi ngokwenzakalayo bathi ikakhulu udaba lukaMnu Sikhala solubangele ukungezwani okukhulu kubandla phakathi kwabamsekelayo labangamfuniyo.

Eloba kukhasi lakhe enkundleni yeFacebook, uSikhala uveze ukudana okukhulu ngesinqumo lesi.

Ubekhethwe yizigaba ezinhlanu ukuthi ancintise abe ngumsekeli kaMnu Abednico Bhebhe yena odinga ukuba nguOrganizing Secretary.

Okhulume emele uSikhala uNkosikazi Theresa Makone utshele iStudio 7 ukuthi idale leNational Council yilo elizakutsho ngeviki ezayo ukuthi ngempela uSikhala uyavinjwa kumbe ancintise.

UMnu Hlalo yena uthe laye udanile ngokumiswa ukuba lilunga lebandla, kodwa uthe ubengakayitholi incwadi evela kubandla imazisa ngalokhu.

XS
SM
MD
LG