Umthethwandaba we South Africa usugwebe owayengumongameli walelolizwe uMnu. Jacob Zuma ukuthi ayehlala entolongweni okwenyanga ezilitshumi lanhlanu ngokweyisa lelidale, njalo isinqumo lesi asiphikiswa.
Lokhu kulandela ukufunyanwa elecala yiConstitutional Court elokwenqaba ukuyakuma phambi kweZondo Commission edingisisa ngenkohlakalo kuziphathamandla zikahulumende.
Isikhulumeli senhlanganiso ye Jacob Zuma Foundation uMnu. Mzwanele Manyi utshele umsakazo we SABC namuhla ukuthi bayadana ngalesi isigwebo esilukhuni njalo kusobala ukuthi uMnu. Zuma kaphathwa njengezinye izizalwane zeSouth Africa.
Indodakazi kaMnu. Zuma uNkosikazi Dududu Zuma-Sambudla ulobe enkundleni yeTwitter ukuthi sebekhulume laye uyise njalo bazomphelekezela ejele eseduzane lomuzi wakhe.
Ukuhlaziya loludaba, sixoxa loMnu. Zenzo Nkomo, ingcwethi ecubungula ezombusazwe.
