Elokhe etheleka amazwi enduduzo kulandela ukukhothama kwenkosi yamazulu isilo uGoodwill Zwelithini kaBhekuzulu, ngoLwesihlanu eSouth Africa.
Abantu babikwa bebefika eNongoma, kodwa baxwayiswa ukuthi bengabuthani ukwenzela ukwenqabela ukumemetheka kwegcikwane leCOVID 19, njalo baziswa ukuthi abasoze babuke umzimba wenkosi ungakafihlwa.
Inkosi uZwelithini ibisileminyaka yokuzalwa engamatshumi ayisikhombisa lambili, 72, njalo yayilwisana lomkhuhlane wetshukela.
Ubeyinkosi okweminyaka edlula amatshumi amahlanu, 57 kulandela ukukhothama kukayise, uCyprian Bhekuzulu kaSolomon.
Wazakala ngokuvuselela amasiko amanengi afana lomhlanga kanye lokuxazulula inkinga zelizwe ngembizo.
Wayesazakala ngokusola ukuphathwa kwaMaNdebele eZimbabwe, kanye lodaba lwe Gukurahundi.
Utshiye amakhosikazi ayisithupha labantwana angamatshumi amabili lasithoba minwe mibili, 28.
Sixoxe loMnu. Greater Vodloza Sibanda, isikhulumeli sikaMnu Stanley Raphael Khumalo owazakala njengeyinye iNkosi yaMaNdebele, enguMzilikazi wesibili, yena ochasisa ngobudlelwano phakathi kwenkosi zombili.
