amalinks wokungena

Breaking News

UMnu. Robert Mugabe Ulakho Ukubotshwa Engekela Ukuyafakaza Edale Lephalamende


Owayengumongameli, uMnu. Robert Mugabe

Owayengumongameli, uMnu. Robert Mugabe ulakho ukuthunyezelwa amasamanisi ngamapholisa nxa engehluleka ukuya edale lephalamende ngoMvulo lapho abizwa khona yikhomidi yedale ebona ngezokwenjiwa.

UMugabe wayekhangelelwe ukuya edale ngeviki edluleyo kodwa ikhomidi yedale lentathelizindaba batshona belindile bazabacitheka ngemva kwamahola amabili sokusobala ukuthi uMugabe kayikulugxoba.

Umgcinisihlalo wekhomidi le, uMnu. Themba Mliswa wazisa ukuba babezacela uMugabe ukuthi aze emini hatshi ekuseni njengalokho ababesithi akwenze esithi njengomuntu omdala mhlawumbe wayengasoze enelise ukuvuka ekuseni.

UMugabe ukhangelelwe ukuya edale namhla emini ngehola lesibili. Ukhangelelwe ukuzethula ubufakazi bokuthi imali yamadayimani efika amabhiliyoni alitshumi lanhlanu yanyamalala njani.

Lokhu wakukhuluma esangumongameli ngesikhathi esedilini lokuthakazelela ilanga lokuzalwa kwakhe.

Facebook Forum

XS
SM
MD
LG