amalinks wokungena

Breaking News

UMnu. Zenzo Sibanda Obemela iTsholotsho North Edale Lephalamende Kasekho


Coronavirus

Ummeli weLupane East edale lephalamende uMnu. Mbongeni Dube okubandla leZANU PF uthi ubelaye umufi kumaviki amabili adluleyo lapho abahlolwe igcikwane leCOVID 19 ukuze bephatheke emhlanganweni wedale lephalamende njalo batholakala bengalalo.

Owayemela iTsholotsho North edale lephalamende uMnu. Zenzo Sibanda kasekho.

Umgcinisihlalo webandla leZANU PF edale lephalamende njalo engusibalukhulu walindawo uMnu. Richard Moyo ugcizelele emsakazweni weStudio 7 ukuthi uMnu. Sibanda ubulewe ngumkhuhlane weCOVID 19 njalo ubesencediswa ukuphefumula yimitshina ye Oxygen esibhedlela.

UMnu. Jonathan Moyo, omunye wabasebenza lomufi ulobe enkundleni yebulenjini eyeTwitter emncoma esithi wayesebenza gadalala, ezithobile, njalo enakekela abanye.

Lokhu kugcizelelqe nguMnu. Prince Dubeko Sibanda, umgcinisihlalo webandla leMDC Alliance eMatabeleland North laye olobe enkundleni efanayo.

Ukuze sizwe okungeni ngaloludaba, sixoxe lommeli weLupane East edale lephalamende uMnu. Mbongeni Dube okubandla leZANU PF.

UMnu. Dube uthi usebenze kakhulu lomufi, owamsiza ngokumchasisela okunengi esuka kugatsha lwabatsha esiya kwele main wing kubandla leZANU PF, esenqobe kukhetho lokumela iLupane East.

Uthi ubelaye umufi kumaviki amabili adluleyo, lapho abahlolwe igcikwane leCOVID 19 ukuze bephatheke emhlanganweni wedale lephalamende njalo batholakala bengalalo.

please wait

No media source currently available

0:00 0:02:32 0:00


Facebook Forum

XS
SM
MD
LG