UMongameli Biden Uthi iMelika Ayisoze Ithumele Amabutho kweleUkraine

UMongameli weMelika uMnu Joe Biden uthi akulamabutho elizwe lakhe kumbe aweNATO azathunyelwa kweleUkraine, lona elibikwa lilakho ukuhlaselwa ngeleRussia.

UBiden wethule amazwi la izolo ngemva kokuba ibutho lelizwe lakhe lazise ngoMvulo ukuthi seliqoqe amasotsha azinkulungwane phose eziyisitshiyagalolunye, 8,500, alakho ukuthunyelwe eEurope yiloba nini ukuyabambana lamabutho omanyano weNATO emizameni yokwenqabela ukuhlaselwa kweUkraine yiRussia.

Ngokubika kweThe Hill, uBiden uxwayise njalo uMongameli weRussia uMnu Vladimir Putin ukuthi lanxa engasoze ethumele amabutho eUkraine, eleMelika labangane balo bazakwethesa eleRussia izijeziso zenotho ezilukhuni lingalokotha lingene kweleUkraine.

Ohlaziya ezombusazwe uMnu Tim Muringai utshele iStudio 7 ukuthi lanxa kunjalo, ubona uMongameli Putin eqhubekela phambili ngokuhlasela eleUkraine.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala