WASHINGTON DC —
UMongameli weMelika uMnu Joe Biden izolo wethule iziqondiso ezintsha ezijonge ukwehlisa ukuthengiswa mahlayana kwemibhobho, okubangela udlakela olumangalisayo kulelilizwe.
UBiden uthe abathengisa izikhali lezi bazathathelwa amalayisensi nxa bengatholakala bezithengisela abantu abangalungelanga ukuba lazo.
Uthe njalo kumele bahlolisise imbali yalabo abathenga imbhobho babeleqiniso lokuthi balungele ukuba layo ngokusemthethweni, okuthiwa ngama background checks ngeSingisi.
Udaba lokubulawa kwabantu mahlayana ngemibhobho ludaba oluhluphayo kakhulu eMelika.
Ocubungula ezombusazwe njalo eyisizalwane seZimbabwe esihlala eMelika uMnu Den Moyo utshele iStudio 7 ukuthi uyayisekela imizamo kaBiden ngoba udlame lwemibhobho lubhahe kakhulu kulelilizwe.