amalinks wokungena

Breaking News

UMongameli Cyril Ramaphosa Ukhetha Abaphathintambo Bakahulumende Abanye Babo Bamukelwa ngabeZimababwe


UMongameli omutsha we South Africa, uMnu. Cyril Ramaphosa.

UMongameli omutsha kweleSouth Africa uMnu. Cyril Ramaphosa usememezele amalunga edale labaphathintambo amatsha ngemva kwamaviki amabili ekhethwe ukuba ngumongameli.

Kusimemezelo asenze izolo ebusuku, umongameli wakweleSouth Africa umnumnzana Cyril Ramaphosa umemezele ukuthi umnumnzana David Mabuza uzaba nguye umsebekeli kamongameli welizwe. Kugatsha lwezemali ususe umnumnzana Malusi Gigaba wafaka umnumnzana Nhlanhla Nene owayesenza kahle kakhulu kodwa waxotshwa ngobengumongameli umnumnzana Jacob Zuma.

Ugatsha lwamapholisa lona luphiwe umnumnzana Bheki Cele laye owaye sephose wabuqeda ubugebenga kodwa wacina exotshiwe.

Amankampani wonke kahulumende asengaphansi kukamnunzana Pravin Gordhan owasebenza kuhle kakhulu kwezemali engakaxotshwa ngumnumnzana Zuma.Ugatsha lwezobudlelwano beSouth Africa lamanye amazwe lona luphiwe unkosikazi Lindiwe Sisulu.

Izizalwane zeZimbabwe sezemukele ngenjabulo abaphathintambo abakhethelwe ingatsha ezithinta kakhulu abantu bokuza.

Umgcinisihlalo weZimbabwe Community in South Africa umnumnzana Ngqabutho Mabhena uthi abakutshayela izandla kakhulu yikubuyiselwa kukamnumnzana Malusi Gigaba kugatsha lwendaba zasekhaya njengoba wayekhona ngesikhathi kuphiwa izizalwane zeZimbabwe amapermit oxolo.

Kodwa okuqakatheke kakhulu yikuthi ubaba uGigaba nguye owaletha lokhu okuthiwa yi international migration, li white paper ekhuluma ngama visa amanengi esicabanga ukuthi azasiza izizalwane zaseZimbabwe. Umsebenzi lowu awukaqali, sithemba ukuthi njengoba esekhona umsebenzi lowu uzaqala.

Kodwake obesekukhathaza izizalwane zeZimbabwe ezinengi yibugebenga obese bufike kuzinga eliphezulu okokuthi ngeviki ephelileyo izigebenga zingene enkambeni yamapholisa esabelweni se Eastern Cape zabulala amapholisa zantshontsha imibhobho.

Ngakolunye uhlangothi abanye beZimbabwe bebekhathazeke ngokuntengantenga kwezomnotho okwaqala ngemva kokuxotshwa komphathintambo wogatsha lwezemali umnumnzana Nhlanhla Nene.

Isizalwane seZimbabwe unkosazana Nomazulu Moyo, uthi njengezizalwane zeZimbabwe bathokoziswe ngabaphathintambo abafakwe kugatsha lwezemali lolwama pholisa.

Ngiyajabula ukubona uBhekicele bembuyisele laphana kuminister of police ngoba ngesikhathi esaphethe amapholisa sabona indlela okwaba lotshintsho ngakhona lecrime yaba less. Besesisiza kuFinance, uNhlanhla Nene I think wayeright laye ngalesiyasikhathi ngoba siyakhumbula ukuthi ukukhitshwa kwakhe iRandi lawa kanjani.

Bakhonake abanye abathi kwezinye ingatsha lezikhundla umongameli Ramaphosa wenze iphutha elikhulu. Intatheli yeZimbabwe uNdumiso Mlilo uthi banengi obekufanele baphume baphele kuhulumende ngenxa yokungenzi kahle.

UDD Mabuza uyazakala ukuthi khonangale esasenguPremier weMpumalanga kulobugwelegwele obunengi obabusenzakala. Kodwa siyakwazinje ukuthi uDD Mabuza wakhethwa yiCongress kubandla le ANC kungakho ke may be yikho uRamaphosa ebone ukuthi kumeme amfake abengumsekeli kamongameli welizwe.

Kusenjalo amabandla aphikisayo asesole kakhu idale labaphatnintambo abakhethwe ngumnumnzana Ramaphosa besithi kufakwe abantu abazasuthisa izifiso ze ANC hatshi ezelizwe.

please wait

No media source currently available

0:00 0:03:12 0:00

Facebook Forum

XS
SM
MD
LG