amalinks wokungena

Breaking News

UMongameli Joe Biden Uthi Abantu Kumele Bahlatshwe Bazivikele kuOmicron


Prezidan Joe biden pale sou varyan COVID-19 ki rele Omicron an nan Lamezonblanch, Lendi, 29 Nov. 2021.

UMongameli weMelika uMnu Joe Biden sekhuthaze abangakahlatshwa ijekiseni yeCovid-19 elizweni lakhe ukuthi bahlatshwe ukuze bazivikele kulandela ukuqhamuka komkhakha walumkhuhlane omutsha oweOmicron.

UBiden uthe lanxa kulungile ukuthi abantu baphatheke kabi ngalumkhakha, akumelanga bethuke bathithibale.

Ukhuthaze asebehlatshwe amajekiseni womabili abaleminyaka esukela kwelitshumi lasitshiyangalombili, 18, ukuthi bahlatshwe ijekiseni yesithathu, i-booster shot, ukuze baqinise amasotsha omzimba enelise ukumelana legciwane leli.

Wengeze wathi lanxa umkhakha weOmicron ungaze uhlasele ngamandla, uhulumende wakhe kasoze avale ilizwe njengalokhu okwenzakale esikhathini esedluleyo.

Uthe ukuse kwehliswe umthelela walumkhuhlane, abantu kumele baqine ngokuhlatshwa.

IMelika isivimbe izethekeli ezivela emazweni afana leZimbabwe, Botswana, Namibia, South Africa, Mozambique, Malawi, Lesotho, leEswatini kulandela ukutholakale komkhakha lo omutsha eSouth Africa lakweleBotswana ngeviki edluleyo.

Ocubungula ezombusazwe uMnu Tim Muringai utshele iStudio 7 ukuthi ngempela kuqakathekile ukuthi abantu bahlatshwe ukuze bavikeleke.

please wait

No media source currently available

0:00 0:03:00 0:00

Facebook Forum

XS
SM
MD
LG