amalinks wokungena

Breaking News

UMongameli Mnangagwa Useqinisile Njalo Iziqondiso zeCovid-19


FILE - Zimbabwean President Emmerson Mnangagwa addresses mourners at the burial of Zimbabwean minister Perence Shiri, who died of Covid-19, during his burial in Harare, July, 31, 2020.

Kubhubhe abantu abalitshumi lambili, 12, ngeCovid-19 ngoLwesibili njalo kwatholakala abedlula inkulungwane, 1,249, belomkhuhlane lo.

Lokhu kukhweze inani lasebefile laya kunkulungwane elamakhulu edlula ayisikhombisa, 1,761.

Asebebanjwe lumkhuhlane bona sebephezu kwenkulungwane ezingamatshumi amane lasitshiyangalombili, 48,533.

Abahlatshwe ijekiseni yakuqala yokuvikela lumkhuhlane ngoLwesibili njalo bedlula inkulungwane eziyisithupha, 6,461.

Abahlatshwe eyesibili bazinkulungwane phose ezilitshumi, 9,982, kuthi asebehlatshwe eyakuqala bonke sebengu770,709. Asebehlatshwe eyesibili njalo ingeyokucina bona sebengu544,888.

Kusenjalo, uMongameli Emmerson Mnangagwa useqinise iziqondiso zokwenqabela ukumemetheka kwalumkhuhlane ngokufaka ilizwe kuzinga lesine leLockdown Level 4.

Phansi kwezinga leli abantu abasavunyelwa ukusuka edolobheni thize besiya kwelinye kanti njalo amabhizimusi asevunyelwa ukuvula ngo8 ekuseni avale ngo3:30 emini yantambama.

Ukuhamba-hamba kwabantu akusavunyelwa njalo kusukela ngo6:30 ntambaba kuze kuyetshaya u6 O’clock ekuseni.

UMnangagwa uthi njalo abazatholakala belezetifikeni zamanga eziveza ukuthi abalaCoronavirus bazabotshwa bavalelwe kanti lalabo abavela emazweni alomkhakha womkhuhlane lo oweDelta loweAlpha kumele bangene kuma-quarantine bahlale okwensuku ezilitshumi ukuze kube lokuqiniseka ukuthi abalawo lumkhuhlane.

Isiphathamandla senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi uhulumende kumele akuphathe kuhle ukuvulwa kwelizwe lokhu njalo engaze avalela uzulu indlela zokuziphilisa.

please wait

No media source currently available

0:00 0:02:16 0:00

Facebook Forum

XS
SM
MD
LG