Umongameli Emmerson Mnangagwa, NgoLwesibili uyekethise iziqondiso zeCovid 19 Lockdown, zisuka kusibanga seLevel 4 zisiya kuLevel 2. Uphinde wengezelela isikhathi sokusebenza kwabamabhizimusi ngelanga, esithi imizamo enziwa nguhulumende wakhe yokumelana lobhubhane lolu, ikhanya isebenza.
Esethula isaziso sokuyekethiswa kweziqondiso zeCovid 19 uMongameli Mnangagwa uthi amabhizimusi asezavula kusukela ngo8 ekuseni avalwe ngo7 ntambama. Indawo zokunathela utshwala emahoteleni lazo sezizavulwa ngabo 8 ekuseni zivalwe ngo10 ebusuku.
AmaBottle Store asezavunyelwa ukuvula ngabo 10 ekuseni evalwa ngo4 emini yantambama, kodwa ama bhawa lama NightClub abikwa ezaqhubeka evaliwe.
Isiqondiso sokwalela abantu ukuhambahamba ese sCurfew siyekethisiwe, ngakhoke abantu sebezaqala ukuhamba ngabo half past 5 ekuseni bacine ngo10pm ebusuku.
Abantu sebezavunyelwa njalo ukuvakatshelana emadolobheni ehlukeneyo elizwe.
U-Mnangagwa uqhubeke ethi abantu sebengabuthana kodwa bengedluli abalikhulu njalo kumankampani sokuzavunyelwa izisebenzi eziyisisilinganiso sokuyingxenye yekhulu-50%, ukuzosebenzela khona.
Abavelwa kwamanye amazwe bazaqhubeka bevunyelwa ukungena elizweni kodwa bephethe ingwalo eziveza ukuthi kabalaCovid 19, besebenzisa indlela eye PCR Phakathi kwamahola angaba zinsuku ezimbili-48 hours.
Uphinde wagcizelela ukuthi ingozi yobhubhane lweCovid-19 isesekhona elizweni ngakhoke abantu kumele baqhaphele njalo bazivikele ngazo zonke izikhathi ukuze bengathelelwa leli gcikwane belandela iziqondiso zenhlanganiso eye World Health Organisation sokuphuma imibiko yokuthi isikhona imikhakha emitsha yaleli gcikwane esihlasela ngolaka ukwedlula ebikhona.
Umnumzana Tafadzwa Chigandiwa isakhamuzi saseHarare ngomunye wabamukele ngenjabulo inyathelo elithethwe nguhulumende.
Ingcwethi ecubungula ezomnotho lezombusazwe uMnu. Pride Mkono uthi kuzanceda kakhulu ukuhamba kwabantu ngoba ibisinzima impilo ikakhulu eyezisebenzi.
Abenhlanganiso yabamabhizimusi eyeConfederation of Zimbabwe Retailers, bathi bajabule ngenyathela elithethwe nguhulumende ngoba bebevele sebemlobele becela ukuthi ngabe bayengezelelwa isikhathi sokusebenza.
Abamankampani amanengi bebevele sebeqalisile ukuncedisana lohulumende kuhlelo lokuhlaba izisebenzi zawo ijekiseni lokuzivikela kuCovid 19, emizameni yokuvimba ukumemetheka kwegcikwane leli elizweni, ukuze umuntu wonke abuyele kumpilo yansuku zonke kungela migoqo.
Ingcqwthi zezempilakahle zithi inyathela elithethwe nguhulumende liyancomeka kodwa zixwayisa uzulu ukuthi angacabangi ukuba ilizwe seliphumile engozini yalolubhubhane, ngakhoke kumele aqhubekele phambili elandela iziqondiso zokuzivikela, elondoloza ukuhlanzeka, ukugqoka ama mask, ukuhlatshwa ijekiseni yokuzivikela kulumkhuhlane eye Vaccine, ukungasondelani duzane laduzane, isocial distancing lokunye.
