amalinks wokungena

Breaking News

Umongameli Emmerson Mnangagwa Uphawula Ukuqala Ukusebenza Kwamabhasi aweZUPCO Okusemthethweni koBulawayo


Umongameli uEmmerson Mnangagwa uphawule ukuqala ukusebenza ngokusemthethweni amabhasi amatsha enkampani yeZUPCO ngoLwesihlanu, edolobheni lako Bulawayo ethi ulethemba lokuthi azanceda kakhulu ukwehlisa indleko zezisebenzi. Uthi ngokwenza lokhu uhulumende wakhe uveza ukuba uzinikele ukuthi uzulu athole indlela zokuhambisa eziqondileyo njalo ezilendleko ephansi.

UMongameli Emmerson Mnangagwa efika koBulawayo
UMongameli Emmerson Mnangagwa efika koBulawayo

UMongameli Mnangagwa uthi amabhasi la aze ukuzoncedisa ekuthwaleni abantu besiya emsebenzini lokwehlisa indleko yokugada ebisiziqanse okungela mkhawulo.

Ngizizwa ngilokuhlonipheka ukuba lani lapha namuhlnje ukuzovula ngokusemthethweni amabhasi kaZupco. Amabhasi la are khangelelwe ukuqhuba isikhathi eside ekuvuseleleni indlela zokuthwala abantu Kanye lokwehlisa izintengo eseziqhqnse kakhulu emadolobheni kanye lemaphandleni.

Wengeze ethi abantu kumele bananzelele impahla abazisebenzisayo bazibambe kuhle ethi njalo uhulumende uzakwengeza imali enikezwa izabelo eyeDevolution.

“Kumele lithathe indlela zesikhiwa ukuze kwehlise lokusebenzisa indlela yohlelo lwamabhasi osolungenile, abasebenzisi bamabhasi kumele liwagcine ehlanzekile. Ngiyacela madrayiva ukuthi kungabi lobutshapha angifuni lokhu ngicela ukuthi libambe impahla lezi kuhle siyazwana. UHulumende uzimisele ukuphatheka kakhulu ngedevolution. UMphathintambo wezemali uMthuli Ncube uyengeza akwabela amalungana ledevolution okutsho ukuthi kuzabe kule mali eziphiwa ngezigaba ukuze kwengeze izindlela zokunceda

Induna yeBubi uMnu. Mtshana Khumalo uthi bayabonga ngohlelo ngoba abantu besebengesenelisi ukuthi bavakatshe ngokuqonga kwentengo zokugada amabhasi.

“Siyabonga uhlelo lolu ngoba kuthwe ngaphandle kokuthi amabhasi ancede abantu bemadolobheni azanceda labantu bethu bemakhaya khathesi siyananzelela ukuthi itransport vele isibadulela abesenelisi ukuthi bahambe njengoba bethe amabhasi la atshiphatshiphile ngithemba bazenelisa ukuwasebenzisa.”

Unkosikazi Geli Ndlovu olilunga leZanu PF eBulawayo Province laye uncome inyathelo likahulumende leli.

"Siyabonga uhlelo lukahulumende alwenzileyo esesikhala ngakho izinto ezitolo azisathengeki ziyadula. Amabhasi emakhaya asisakwanisi ukuya lapho esathola khona indawo akula transport $100 ukuya eNyamayendlovu so siyacela ukuthi lathi bengasifakela amabhasi ayakhonangale siyabonga kakhulu akhule aze akhokhobe upresident wethu."

Abantu bamkele ngenjabulo uhlelo lwamabhasi alendleko yokugada ephansi elethwe nguhulumende. Abantu baze ngobunengi embuthaweni lo, besithi kuzanceda kakhulu ekwehliseni indleko yokuya emsebenzini nsuku zonke.

Udaba lokuphawulwa kwamabhasi koBulawayo siluphiwa nguBathabile Masuku
please wait

No media source currently available

0:00 0:03:07 0:00

Facebook Forum

XS
SM
MD
LG