amalinks wokungena

Breaking News

UMongameli weleSouth Africa uCyril Ramaphosa Ubanjwe yiCovid-19


Presiden Afrika Selatan Cyril Ramaphosa

UMongameli weleSouth Africa uMnu Cyril Ramaphosa ubanjwe umkhuhlane weCovid-19 ngeSonto.

Ihofisi yakhe yasize ukuthi uRamaphosa uqalise ukungezwa kuhle ngemva kokuphatheke kumbuthano wesikhumbuso sowake waba nguMongameli welizwe leli phansi kombuso woncindezelo uMnu Fredreck de Klerk.

Kodwa ithi usesimeni esihle njalo uyelatshwa.

Yena uRamaphosa uxwayise abantu abalokhe bengakahlatshwa ukuthi benze njalo ukuze bazivikele.

Isiphathamandla senhlanganiso yeAfrican Diaspora Forum uDr Vusumuzi Sibanda utshele lumsakazo ukuthi bekuvele kulindelekile ukuthi uRamaphosa afunyanwe elomkhuhlane lo ngoba abanye ake aba labo betholakele belawo.

Kusenjalo, ugatsha lwezempilakahle luthi bedlula inkulungwane ezimbili, 2,138, ababanjwe iCovid-19 eZimbabwe izolo. Luthi njalo kubhubhe abathathu.

Lokhu kukhweze inani labaphethwe yilumkhuhlane khathesi lisuka kunkulungwane ezingamatshumi amathathu, 30,705, lisiya ku32,626.

Asebefile sebezinkulungwane ezine ezilamakhulu edlula ayisikhombisa, 4,738.

Abahlatshwe ijekiseni yakuqala yokwenqabela lumkhuhlane izolo bedlula kancane inkulungwane ezilitshumi lambili, 12,059 kuthi abahlatshwe eyesibili bedlula kancene inkulungwane ezilitshumi, 10,080.

Abalele ezibhedlela ngenxa ye-coronavirus sikhuluma nje bangamakhulu amabili alamatshumi amane lambili, 242.

please wait

No media source currently available

0:00 0:02:02 0:00

Facebook Forum

XS
SM
MD
LG