Umphathintambo wezokulima, uRetired Air Marshal Perrance Shiri, kasekho.
UMongameli Emmerson Mnangagwa wethule umbiko wokubhubha kuka Shiri namuhla eHarare ngesikhathi ekhuluma labalandeli bebandla leZanu PF emhlanganweni wedale lePolitburo.
UMnangagwa kavezanga okuthi uShiri ubulewe yini.
Umsakazo osekela uhulumende iZimbabwe Broadcasting Corporation ibika ukuthi uMnangagwa uthe uShiri wayengumngane wakhe omkhulu ngakho-ke ulahlekelwa ngumuntu abamthanda njalo asebenze laye kuhle.
UShiri wake wakhokhela iGukurahundi eyabulala abantu abedlula inkulungwane ezingamatshumi amabili – 20,000 eMatabeleland leNkabazwe ngezikhathi uhulumende kamuyi uRobert Mugabe elwisana lebandla lePF Zapu esithi lalisebenzelana lamalwecatsha.
Umuyi uJoshua Nkomo, owayekhokhela ibandla lePF Zapu ngesikhathi leso, wakuphika lokhu esithi uMugabe nguye owayesenza kube lodlakela eZimbabwe.
Kulabanye abathakazelele ukubhubha kuka Shiri kubelabanye abakhalela umdeni wakhe.