amalinks wokungena

Breaking News

UMpofu Uxolisa Kuzulu Ngokwenza Kwamapholisa


Umpathintambo wendaba zasekhaya uMnu. Obert Mpofu.

UMnumzana Obert Mpofu, umphathintambo omutsha obona ngendaba zasekhaya, uthi kabasoze bamele ukuhlukuluzwa kukazulu obesekusenziwa ngamapholisa kule iminyaka eyedluleyo.

Ubuye waxolisa uzulu ngokwenza kwamapholisa ngaphambilini, wathembisa ukuba, nxa abantu bengaphathwa kubi ngamapholisa, balelungelo lokuwamangalela ngocingo olungahlawuliswayo bebika izikhalazo zabo.

“Siyaxolisa kakhulu ngendlela abanye abakade bebanjwa ngayo ngamapholisa.”

UMpofu uthi bayazi ukuba amapholisa amanengi ayesedale imikhuba emibi yokungathembeki, icorruption njalo betshutshisa ezokufunbathiswa nguzulu.

Ubuye wagcizelela ukuthi abantu beZimbabwe akumelanga besabe amapholisa, kodwa amapholisa kumele alondoloze ukuthula ezweni ebambisana lozulu ephatha abantu ngenhlonipho.

UMpofu uthi uhlale phansi leziphathamandla zamapholisa elizwe lonke jikelele, bebonisana indlela eqotho okumele bayilandele.

“Sengibabize bonke, ngabakhuza. Ngabatshela ukuthi balandele imithetho okumele ilandelwe ngamapholisa.”

UMpofu ucine ngokucela uzulu ukuthi laye ayekele ukumangalelana amacala amanga, bedinga ukubophisana. Umamangala kumele abeleqiniso lokuthi umangalela elikhona.

Ingxoxo lomnumzana Obert Mpofu
please wait

No media source currently available

0:00 0:02:51 0:00

Facebook Forum

XS
SM
MD
LG