Uhlangothi luka hulumende olubona ngesimo somkhathi kwele Zimbabwe olwe Meteorological Office luthi umqando oqalise izolo ukhangelelwe ukuthi uzaphela ngeSonto.
IMet Office ithi indawo ezizibanje ngumqando lo zigoqela isabelo seMatabeleland South njalo leNkabazwe endaweni ezinjenge Zvishavane leGweru.
Ithi kulomqando ofanayo endaweni ezinengi esabelweni seMasvingo kanye laManicaland lapho olulomoya ovunguza okwethusayo.
IMet Office iphinde yathi kulomqando ophose ufane lalo kusukela ekuseni lamuhla kuze kuyefika emadabukakusa ngoLwesine ezabelweni zeMashonaland, eHarare lako Bulawayo.
Kukhangelelwe ukuthi isimo somkhathi sizakubangcono endaweni lezi kusukela kusasa ntambama.
I-Met Office ithi konke lokhu kwenziwa yikuqanda komkhathi eZansi yezwekazi leAfrica.