amalinks wokungena

Breaking News

'EleAngola Litshaya Kuzwele Emidlalweni yeBasketball Africa League'


Umqondisi wenhlanganiso yeBasketball Union of Zimbabwe, uJoe Mujuru, uthi wonke amaqembu asemidlalweni yeBasketball Africa League alakho ukunqoba kunkezo yeBAL.

UMujuru uthi kukudala bekuzanqoba iqembu leAngola loba nje eleEgypt lalo lidlala okumangalisayo.

Uthi okuthuthubeze abadlali ngumkhuhlane weCOVID-19, owenza kube nzima ukuba atsho ukuthi yiliphi iqembu elizanqoba phakathi kwalitshumi lambili asemidlalweni yeBAL.

“Okwamanje ngingake ngitsho ukuthi yiliphi iqembu elizanqoba ngoba amaqembu la abengadlali okwenyanga ezilitshumi lane. Kunzima ukucabangela ukuthi yiliphi elizanqoba.. Kodwa ngibona engani abantu kumele bakhangele eleAngola lele Egypt ngoba bayadlala kakhulu abadlali babo. Ngithule ngisekhoneni lami ngilandela eleMadagascar eliyilo elathatha indawo yethu emidlalweni yeBAL. Loba kunjalo, ngibona engani eleAngola lingazama. Kulapho engifaka khona imali yami.

“Ngitsho lokhu ngoba bazibambile abadlali bakwele Angola njalo balamadlabuzani. Okunye njalo siyabona ukuthi sokwafakwa imali enengi kakhulu emidlalweni ye-basketball kwele Angola. Ngakho-ke ngithi lizazama kakhulu iqembu leli.”

Uthi iqembu lePetro de Luanda lake ladlala koBulawayo kulungiselwa omunye umcintiswano wamaqembu ezwekazi leAfrica.”

UMujuru uphinde wathi kukhangelewe ukuthi kuzakuba labadlali abazakwenza kahle abalakho ukuthi bayedlala kwele Melika. Uthi lesi yisifiso sabadlali abanengi abakumncintiswano walonyaka.

Amaqembu adlala lonyaka yila: Algeria – GS Pétroliers; Angola – Petro de Luanda; Cameroon – FAP; Egypt – Zamalek; Madagascar – GNBC; Mali – AS Police; Morocco – AS Salé; Mozambique – Ferroviaro de Maputo; Nigeria – Rivers Hoopersv; Rwanda – Patriots; Senegal – As Douanesv; Tunisia – US Monastir.

Abafisa ukulalela imidlalo yeBAL vulani lokhu: https://www.voazimbabwe.com/t/403.html

Facebook Forum

XS
SM
MD
LG