amalinks wokungena

Breaking News

Esigabeni seDiaspora Sikhangela Umsebenzi Owenziwa nguNkosikazi Lumbie Mlambo wase Texas eMelika


UNkosikazi Lumbie Mlambo

UNkosikazi Mlambo uthi sebabumba inhlanganiso abayibiza ngokuthi JB Dondolo, encedisana labafowakhe ngemva kokubhubha kukayise. Injongo ethi kwakuyisifiso sokuqhubekela phambili ngomsebenzi owasungulwa nguyise esaphila wokunceda umango lapho abadabuka khona eNyamendlovu.

Wathi ebhubha uyise wayesesungule umsebenzi wokuncedisa ekilinika yalu mango ngakhoke bakubona kufanele ngokuqhubeka lapho atshiyela khona ngokuncedisa likilinika ukuyitholisa imphahla yokuncedisa abelaphi kanye lokuthi kutholakale amanzi ahlenzekileyo ugetsi lokunye okungenza impilo ibe ngcono.

Abemuli yakwabo bakwenza loku ngokunanzelela ukuthi umango lapho abadabuka khona lokhe kungela ntuthuko ngakhoke ingqobe ikubo ukuthi bancedise. Le yindlela njalo yokubonga uSomandla ngezibusiso zokubanikeza ithuba lokuthi bayesebenza emazweni athuthukileyo lapho abathola okungconywana kulabasekhaya. Bekwenza ngenhliziyo leyana yokuthi ubaba wabo esaphila wayemuntu owayenakekela umuntu wonke oswelayo kulu mango.

Uphange wagcizelela ukuthi asebekwenzile manje kwakungasoze kuphumelele uma kwakungela abanye ababasekelayo ngoncedo lwemphahla yokusa ekilinika eye Nyamendlovu.

Ngakhoke mhlaka 28 yonale inyanga kaNtulikazi bazaba lomkhosi wokubonga ababancedisileyo kulolu hambo lwabo lokuthuthukisa ikilinika yeNyamendlovu, esigabeni seTexas, eMelika.

“Mhlaka 28 Ntulikazi sizaba lombuthano wokubonga abantu abasincedisayo ngokubapha imivuzo ama awards abafika abayisikhombisa. Laba bantu ngabangane bemuli yakwethu abadabuka lapha eMelika esesileminyaka sincedisana labo kokunengi”.

please wait

No media source currently available

0:00 0:04:30 0:00

Facebook Forum

XS
SM
MD
LG