amalinks wokungena

Breaking News

Abantu Bemukela Ngenjabulo Ugwalo Olulotshwe nguMthenjwa Ndlovu


Ugwalo 'Ngemva Kwezinyembezi' olulotshwe nguMthenjwa Ndlovu.

Egwalweni lwakhe lolu olulesihloko esithi 'Ngemva kwezinyembezi', uMthenjwa Ndlovu, ulanda udaba lwentombazana eyatshiywa ngabazali bayo. Ngemva kwalokho yazithola isigcinwe nguyise omdala, okwabake yikuqala kwenkathazo enkulu.

Umlobi uMthenjwa Ndlovu ephethe ugwalo lwakhe "Ngemva kwezinyembezi"
Umlobi uMthenjwa Ndlovu ephethe ugwalo lwakhe "Ngemva kwezinyembezi"


Ingena ebunzimeni bokutshaywa, ukuqanjelwa amanga, ukubandlululwa, ukwenziwa isichaka salapha ekhaya lokwekeliswa isikolo. Kodwake loba kunjalo lintombaza, isebenza gadalala ize icine iphumelele. Luphela udaba isilempilo ebutshelezi.
Umlobi uthi isifundoke lapha yikuveza ucuku olubhekana lamantombazana azintandane kanye lokuxwayisa labo abaphilela ukuhlukuluza intandane. Kuloludabake untombazana lo waphumelela kakhulu ekucineni kwathi abantwabakayise omdala kwacina kuyibo abehluleka kakhulu empilweni.
Luqukethe izinto ezinengi eziyisifundiso, so kutsho ukuthi lapha isifundiso esikhulu kakhulu ngesokuthi emphakathini silohlupho lokuthi kube labantu abahlukuluza abanye, kodwake ekugcineni laba abahlukulu abanye bagcine impilo yabo ingasayi ndawo besekusithi laba abahlutshwayo bagcine bengabantu abaphumeleleyo empilweni zabo.

Ugwalo 'Ngemva Kwezinyembezi' olulotshwe nguMthenjwa Ndlovu.
Ugwalo 'Ngemva Kwezinyembezi' olulotshwe nguMthenjwa Ndlovu.


Lobanje elobe ugwalo oluginyisa amathe ngolimi olonone ukwedlula ezinye zengwalo zezikhwicamfundo, uMthenjwa akafikanga ezikolo zezikhwicanfundo. Linsizwa yase Sabeni ePlumtree yafunda i Primary eKahlu, i secondary yaya eMqokolweni ingakayiphelela e Tennyson Hlabangana High School.
Lolugwaloke uMthenjwa ulwethulele umphakathi ngokusemthethweni eJohannesburg, wazitholela ukunconywa ngabanengi.
Unkosazana Ezyln Moyo laye ongumlobi uthi kuyathokozisa ukuthi ungumlobi usebenze kuze kube yisikhathi ususethula ugwalo lwakho emphakathini.

Umbuthano wabantu kusethulwa ugwalo 'Ngemva Kwezinyembezi'.
Umbuthano wabantu kusethulwa ugwalo 'Ngemva Kwezinyembezi'.


Ngingathi siyajabula njengoba ubhudi useze wafeza isifiso sakhe sokuthi ugwalo lwakhe lulontshwe. Sengicelanje ukuthi abantu loba abangaphi kwendawo ukuthi bangalithenga leli bhuku babuzwe ubumnandi obuphakathi ngoba leli bhuku ngelesi 11 enhlanganisweni yethu yabalobi bakithi.
Omunye njalo umlobi umnumnzana Mathambo Xakalala, uthi ngaphezu kwenkuthazo yokunakakela amantombazana, ugwalo lolu lulotshwe ngobuciko obukhulu kusetshenziswa ulimi olujiyileyo.
Ulimi luyisizwe isizwe silulimi. Ukuphela kolimi lwethu yikuphela kwesizwe sethu. Siyabanxusa abantu, singabalobi akutsho ukuthi siyazi. Abantu abaziyo abeze bazosisiza. Bathenge ugwalo lwethu. Labathengi siyacela lizosithengela lisisize lisixhase kakhulu kukho konke esikwenzayo. Singabalobi baKithi siyabonga ngithi halala balobi halala.
Inhlanganiso yaBalobi Bakithi ngenye yeseziphumelele kakhulu ekubhaleni izingwalo zeSindebele. Loba nje abalobi laba bengalutholi uxhaso olutholwa ngabalobi abaziwayo, sebethule ingwalo ezedlula itshumi kantike badinga usizo lokucindezela lokuthengiselwa ingwalo zabo.

Udaba lomlobi wogwalo 'Ngemva Kwezinyembezi' siluphiwa nguBenedict Nhlapho
please wait

No media source currently available

0:00 0:03:20 0:00

Facebook Forum

XS
SM
MD
LG