amalinks wokungena

Breaking News

IBotswana Isungula Iziqondiso Zomthetho Olawula Ukusebenza Kwabokuza


Amahofisi aweUN lawe Immigration kweleBotswana.

AbeZimbabwe, abakunani eliphezulu lezisebenzi zokuza eBotswana, balamukele lelinyathela ngenjabulo enkulu.

IBotswana, noma nje ingelinye lamazwe amukela inani eliphezulu lezisebenzi eziphuma ikakhulu emazweni angomakhelwane, belingela mthetho okhangelane lamalungelo ezisebenzi lezi.

Inhlanganiso yomanyano amazwe omhlaba, eye United Nations Human Rights Council, yanikeza iBotswana imali engaphezu kwesigidi sama pula (P1.3million) ngomnyaka ka2015 ukuze kusungulwe ukulotshwa kwemithetho yezisebenzi zokuza, iMigrant Workers Policy.

Inhlanganiso eye United Nations
Inhlanganiso eye United Nations

IBotswana, ilobele iUnited Nations ngaphansi komhlangano osaqhubeka eGeneva kweleSwitzerland, ukuthi izimisele ukuphetha ukuhlela umthetho lo ngesiphangi phangi.

Umphathintambo wogatsha olubona ngokungena lokuhlala kwezisebenzi ezivela kwamanye amazwe, umnunzana Edwin Batshu useGeneva lapho atshele khona umhlangano we United Nations Human Rights Council Universal Peer Review, ukuthi basendleleni ukuloba umthetho ovikela izisebenzi zokuza.

AbeZimbabwe kweleBotswana sebewamukele umthetho lo, abanye besithi kade wafunakala ikakhulu kukhangelwe ukuthi kade kusetshenzwa kungela mthetho obavikelayo.

Botswana
Botswana

“Kuyamuyeleka lokhu, ngoba kuzanceda ukuvikela amalungelo ezisebenzi zokuza. Sikhuluma nje, akulamithetho ovikela amalungelo ezisebenzi zokuza kumbe ukuthi baphathwe kanjani.”

Umnunzana David Ndlovu okuzifundo zokuba ligqwetha elilwela amalungelo oluntu, uthi laye uyakwamukela lokho…

“Linyathela elisendleleni eqondileyo. Ikakhulu kwabeZimbabwe abasebenza eBotswana ikakhulu kukhangelwe ukukhonona ngokuhlukuluzwa kwabo. Kumele kucace ukuthi amalungelo abo kuyini.”

Umhlangano obanjwe eGeneva, ophela ngempela viki, uzakhangela izithembiso, ezifana lasonalesi eseBotswana eseMigrant Workers Policy, kanye lezinye ezinengi ezivela kwamanye amazwe.

Amazwe angaphansi kwenhlanganiso yeUnited Nations, azathola amathuba okubuza imbuzo ngenhlelo langezithembiso ezenziwa ngamalunga atshiyeneyo.

Olunye udaba, eleBotswana elekhangelwe ukuthi liphendule imbuzo ngolokwesula kwesigwebo sokulengiswa.

Udaba lweziqondiso ezilaula izisebenzi zokuza kweleBotswana siluphiwa nguMartin Ngwenya
please wait

No media source currently available

0:00 0:02:09 0:00

Facebook Forum

XS
SM
MD
LG