Kuhlelo lwezizalwane zeZimbabwe ezihlala kwamanye amazwe, liviki sikhangela iziqondiso zomthetho omutsha osungulwa nguhulumende weBhilithane okhangelane lezizalwane zamanye amazwe ezikulelolizwe ezingelamaphepha afaneleyo.
Umthetho lo, osubalwe lidale leHouse of Commons uzakwenza kubenzima ukuthi abantu abangela maphepha okuhlala kulelo lizwe athole umsebenzi. Kuzaba nzima njalo ukuthi labo abangela maphepha aqondileyo bathole ilayisensi yokutshayela imota njalo lokuhlala endlini zabanikazi berenter.
Osomabhizimusi labo bazathwaliswa nzima nxa bengaqhatsha abantu bokuza abangela maphepha afaneleyo.
Ibandla elibusayo elikaMnu. David Cameron lithi konke lokhu kwenzelwa ukwenqabela ukusetshenziswa okungekho emthethweni okuzuzwa yizizalwane zeBhilithane njalo lokuthi abaqhatshi bangadingi izisebenzi ezizathola imali ephansi kulaleyo efunakala kulowo msebenzi.
Zinengi izizalwane zeZimbabwe ezilakho ukuthwala nzima ngomthetho lo nxa ungethulwa lidale lephalamende.
Okungumnqondo osekelwa nguMnu. Thamsanqa Zhou owenhlanganiso yezizalwane zakwamanye amazwe esezihlala kweleBhilithane eyeDiaspora Forum Group.
