amalinks wokungena

Breaking News

Idale leHigh Court Lidlulisela Phambili Isicelo Sika Ndiweni Sokuthi Akhululwe Entilongweni


Amanye amagqwetha amele induna uFelix Nhlanhlayamangwe Ndiweni labanye abantu akade besemthethwandaba ngoLwesibili.
Amanye amagqwetha amele induna uFelix Nhlanhlayamangwe Ndiweni labanye abantu akade besemthethwandaba ngoLwesibili.

Umthethwandaba weHigh Court ukhangelelwe ukuthi ngoLwesithathu uzahlolisisa isicelo senduna uFelix Nhlanhlayamangwe Ndiweni ukuthi akhululwe entilongweni kulandela ukugwetshwa kwakhe ngumantshi ukuthi ahlale entilongweni okwenyanga ezilitshumi lasificaminwemibili.

USikhwicamfundo Welshman Ncube ukhuluma lentathelizindaba ...
USikhwicamfundo Welshman Ncube ukhuluma lentathelizindaba ...

Umtshutshisi uKudakwashe Jaravaza utshele umthethwandaba ngoLwesibili ukuthi kabatholanga ngesikhathi esifaneleyo izizatho zikamantshi uNkosikazi Gladmore Mushowe owathonisa icala lakhe wamgweba.

Uthe ukhangelele ukuthi bazakwenza okufiswa ngumahluli, uThomas Mabhikwa, omnike amahola ambalwa ukuthi ahlolisise isigwebo sika Nkosikazi Mushowe abesesipha ubufakazi bakhe edale leHigh Court ngoLwesithathu.

Amagqwetha kaNdiweni, agoqela uMnu. Dumisani Dube, uSikhwicamfundo Welshman Ncube labanye abambalwa abakunkampani yeMathonsi Ncube Law Chambers, bakubeke sobala ukuthi bathwele nzima bedinga isinqumo sikamantshi obengafuni ukukhuluma labo.

Amapholisa abekhangele okwenziwa nguzulu phandle kwedale leHigh Court
Amapholisa abekhangele okwenziwa nguzulu phandle kwedale leHigh Court

UNcube uthe umthwethwandaba kumele ubekwazi ukuthi lokhu akukho emthethweni.

Induna yatholakala ilecala lokudiliza uthango lomuzi kaFethi Mbele olekhosikazi elatholakala lisemacansini leyinye indoda emzini wakhe.

UNdiweni wethula isigwebo sokuthi uNkosikazi Nonkangelo Mpengesi Mbele abuyele kibo ayelaywa ngabomdeni wakhe.

UMnu. Mbele wakwala lokhu kodwa induna yathi sebesephula umthetho nxa bengafuni ukuthi ahambe lapho azalwa khona ayelaywa.

Abanye abantu akade bephandle komthethwandaba weHigh Court koBulawayo ...
Abanye abantu akade bephandle komthethwandaba weHigh Court koBulawayo ...

UNdiweni wacela amadola engamatshumi amabili lantathu ukuthi bamncedise ukuxotsha uNkosikazi Mbele. Bafuza isibaya lothango lomuzi kaMnu. Mbele besenzela ukuthi ikhosikazi lakhe libuyele lapho elidabuka khona.

Umantshi uMushowe wathi okwenziwa yinduna kwakungekho emthethweni ngakho-ke wamgweba ukuthi avalelwe entilongweni kuthi abanye bakhe basebenzele uhulumende okwesikhatshana.

Umonakalo owenziwa yinduna lezakhamizi ezazimcedisa kubikwa ulesisindo samakhulu amathathu amadola - $300. Encwadini yesicelo sesibambiso se-bail, amagqwetha kaNdiweni athi isigwebo asitholayo asihambelani lomonakalo owenziwa emzini kaMbele njalo akulampahla eyatshiswayo, lesikhali esasetshenziswa ukudiliza isibaya kungeke kwathiwa siyingozi. UNdiweni ubikwa walandela amasiko lemithetho yesintu eqhutshwa lapho umuntu ethe waphambanisa esigabeni.

Udaba Esilethulelwe NguAnnastacia Ndlovu
please wait

No media source currently available

0:00 0:03:03 0:00

XS
SM
MD
LG