amalinks wokungena

Breaking News

Umthethwandaba Udlulisela Phambili Udaba Lokuxotshwa Kuka Khupe Edale Lephalamende


UNkosazana Thokozani Khupe eloMnu. Nelson Chamisa

Idale leHigh Court koBulawayo ngoLwesihlanu lidlulisele phambili udaba olwethulwe ngobengumsekeli kamongameli webandla leMDC-T, uNkosazana Thokozani Khupe, ophikisa ukuxotshwa kwakhe edale lephalamende kulandela ingxabano phezu kobukhokheli bebandla leMDC-T.

UMahluli, uMnu. Francis Bere, uthe loludaba soluzathethwa ngeviki ezayo ngoLwesibili.

Idale lephalamende lazise ngokuxotshwa kuka Khupe ngoLwesine ngemva kokuba inkokheli yebandla leli ithethe isinqumo sokuba usexotshwe ebandleni ngoba esala ukwamukela uChamisa njengomkhokheli.

UKhupe uthi yena nguye okumele akhokhele njengoba wakhethwa okusemthethweni ngumhlangano weCongress hatshi uChamisa owakhethwa ngowayengumkhokheli, uMnu. Morgan Tsvangirai, eyedwa.

UMnu. Witness Dube, umcebisi kaMaKhupe, uthi, “Udaba lolu akumelanga ukuthi ngabe ludaba olukhathazayo, ngabe kuthiwa elinye leli icele ngelilandela iconstitution. Iconstitution ye MDC-T iclear ukuthi ngubani okwakumele abe ngumkhokheli andubana kwenziwe umhlangano we congress.”

Kolunye udaba olufanayo, abasekeli bebandla leMDC-T abedlula itshumi abetheswa icala lokubangela ubudlwangudlwangu kulandela ukutshayana okwenzakala kumaviki ambalwa asanda kwedlula emahofisini alelibandla koBulawayo, abemiswe emthethwandaba ngoLwesihlanu loludaba lwadluliselwa phambili.

Kulabanye abalimalayo mhlaka 4 ngenyanga edluleyo.

please wait

No media source currently available

0:00 0:02:22 0:00

Facebook Forum

XS
SM
MD
LG