amalinks wokungena

Breaking News

Umthethwandaba Ukhulula Iziphathamandla zeMDC Alliance Ngemali Yesibambiso eyeBail


UNkosazana Joana Mamombe loCecilia Chimbiri

Ngakwelinye icele, uNkosazana Henrietta Rushwaya, owakhululwa ngenyanga edluleyo esitokisini ngemali yesibambiso eye bail, ubuyiseliwe ngoLwesibli esikhundleni sakhe sokuba ngumkhokheli wenhlanganiso yeZimbabwe Miners Federation.

Iziphathamandla zebandla leMDC Alliance ezibalisa oNkosazana Joanna Mamombe loCecilia Chimbiri zikhululwe ngemali yesibambiso eyebail kulandela ukubotshwa kwazo ngeviki edluleyo zisetheswa icala lokudelela amapholisa lokwephula imithetho yokwenqabela ukumemetheka kweCOVID 19.

Omunye njalo okhululwe ngendlela efanayo nguNkosikazi Petronella Kagonye, owayengumphathintambo kahulumende obona ngeziphathelane lezisebenzi, oboshwe kuthange esetheswa icala lenkohlakalo.

Asizweni ukuthi ibandla leMDC Alliance lithini ngaloludaba, kungxoxo esiyiqhube lomsekeli wesikhulumeli salelibandla uMnu. Felix Magalela Mafa.

please wait

No media source currently available

0:00 0:02:24 0:00

Ngakwelinye icele uNkosazana Henrietta Rushwaya, owabotshwa ngomnyaka odluleyo esetheswa icala lokuzama ukuphuma elizweni legolide ngokungekho emthethweni, ubuyiseliwe namuhla esikhundleni sakhe sokuba ngumkhokheli wenhlanganiso yeZimbabwe Miners Federation. Wakhululwa ngenyanga edluleyo ngemali yesibambiso eye bail.

Facebook Forum

XS
SM
MD
LG