amalinks wokungena

Breaking News

UMthethwandaba Uxotsha uGrace Mugabe Ezakhiweni Azihluthuna Kubangwa Indandatho Ebiza $1.3 million


Unkosikazi Grace Mugabe

Abelungu bathi alini kodwa liya wohloka kuNkosikazi Grace Mugabe. Lokhu kulandela isingqumo somthethwandaba we High Court izolo ntambama, eHarare sokuba uNkosikazi Grace Mugabe kumele asuke kuzakhiwo zeHarare azithathela isizalwane se Lebanon esamthengisela indandatho ebiza amadola edlula kancane isigidi esisodwa, i$1,3 million kodwa kasimphanga leyo ndandatho yedayimani.

Lindadatho, eyathengwa kuMnu. Jahmal Ahmed yayimele ibe yisiphiwo sikaMnu. Mugabe kunkosikazi wakhe bethakazelela ilanga lelo abatshada ngalo.

Igwetha lika Jahmal, uNkosikazi Beatrice Mtetwa utshele umthethwandaba ukuba isikhonzi somthethwandaba sehluleka ukusa amasamanisi endlini kaMugabe ethiwa yi Blue Roof ngoba isotsha elimlindayo lala ukwamukela.

Kodwa kungelani lalokho, umahluli, uMnu. Clement Phiri ungqume ukuba abamela uMugabe abasusa izisebenzi zika Jahmal ezakhiweni zakhe ezintathu kumele basuke ngokutshetsha.

Lokhu kulandela njalo esinye isehlakalo esenzakale kuyonale iviki lapho inhlanganiso ye Afri-Forum yazise ukuba lokhu ikhangelele ukubophisa uNkosikazi Mugabe phezu kwecala lokutshaya untombazana wakwele South Africa Nyakenye.

Lokhu kulandela ukususwa embusweni okwenziwa umkakhe nyakenye ngamasotsha. UMnu. Mugabe uke wazisa ukuba uNkosikazi wakhe usengohlala ekhala nsukuzonke ngenxa yokudungulula inhlalakahle yakhe okwenziwa nguhulumende.

Ukuhlaziya loludaba sixoxe lengcwethi ecubungula ezombusazwe, uMnu. Nkululeko Sibanda.

USibanda uthi: "Ngibona ingani kuyahlupha ukuthi sazi kahle-kahle ukuthi kwenzakalani ngoba udubo esilalo njengoba ubona kulembhalo le ephumileyo iqamba abantu okuthiwa bakhipa izimali baziphumisa elizweni. Kodwa abantu abanengi kade becatshangelwa ukuthi bazaphuma kabaphumanga."

please wait

No media source currently available

0:00 0:03:06 0:00

Facebook Forum

XS
SM
MD
LG