amalinks wokungena

Breaking News

UMthuli Ncube Kumele Eqakathekise Inhlelo Zabaswelayo kuBudget ka2022, Kutsho Uzulu


Finance Minister Mthuli Ncube

Umphathintambo wezemali uMnu Mthuli Ncube ngoLwesine uzakwethula uluhlu lwemali ezasetshenziswa nguhulumende ngomnayaka ozayo, i-national budget, yona athi izaqakathekisa inhlelo zokuphathisa abaswelayo.

UNcube uveze kunsukwana ezedluleyo ukuthi imali enengi izakuya kugatsha lwezempilakahle lolwezemfundo, lona olulohlelo lokubhadalela abafundi abaswelayo esikolo olweBasic Education Assistance Module (BEAM).

Uthe ukhangelele ukwethula ibudget yeZ$900 billion lanxa nje ingatsha zikahulumende zibikwa zisithi zifuna imali engena kuZ$3 trillion.

Unobhala jikelele wenhlanganiso yezisebenzi, iZCTU, uMnu Japhet Moyo uthi ngaphandle kwenhlelo zentuthuko, uNcube kumele ethule ibudget le ngemali yaseMelika ngoba eyakuleli ingahleleki kuhle ngenxa yokulahlekelwa luhlonzi.

“Okwakuqala sithi aluba nje uhulumende uyavuma ukutshintsha imali esiyisebenzisayo ngoba kusobalala ukuthi imali yeZimbabwe ayisomali esingathi ungabhajetha ngayo… ngabe basebenzisa imali yaphandle,” kutsho uMoyo.

Wengeze wathi uNcube kumele asungule njalo isikhwama sokuvuselela amankampani adilizwe ngumkhuhlane weCovid-19 ukuze izisebenzi ziphathiseke.

Isiphathamandla senhlanganiso yeBulawayo Progressive Residents Association uMnu Thembelani Dube yena uthi bafuna uNcube afake imali kunhlelo zamanzi.

“Kumele aqakathekise indaba yamanzi koBulawayo iGwayi-Shangani lake iphutshe, kube sokutsithi impompi ezimele ziye koBulawayo lazo ziphutshe. Kufuneka njalo alungise imigwaqo,” kutsho uDube.

Ingcwethi kwezenotho uMnu Reggie Shoko yena uthe uNcube kumele alungise udaba lwentengo yemali, i-exchange rate, njalo alungise udaba lwemithelo ngendlela ephathisa izisebenzi.

Amazwi kaShoko agcizelelwe yisiphathamandla senhlanganiso emela abathengi iNational Consumer Rights Association uMnu Effie Dlela Ncube, yena uthi lanxa kukunengi okukhangelelwe nguzulu odla luklubhu, kaboni iNcube ephuma lolutho olubambekayo.

please wait

No media source currently available

0:00 0:06:01 0:00

Facebook Forum

XS
SM
MD
LG